Migne Patrologia Latina Tomus 138
Orationes contra Daemoniacum (Auctor incertus), J. P. Migne
cc_id: cps_2.AucInc.OrCoDa, cc_idno: 9635
IMPOSITIO MANUUM ENERGUMEN. CATICUMINUM.( Ex Sacramentario Rhenaug. antiquissimo. ) 138.1143B|
¶
Omnipotens aeterne Deus, cujus facie coeli distillant, montes sicut cera liquescunt, terra tremuit, cui patent abyssi, quem infernus pavescit, quem 138.1143C| omnes irarum motus aspiciens humiliatur, Te supplex deprecor Dominator Dne, ut invocatione nominis tui ab hujus famuli tui il. vexatione inimicus confusus abscedat, et ab hujus possessione anima liberata ad auctorem suae salutis recurrat, liberatoremque suum diabolico foetore depulso, et odore suavissimo 138.1144B| Spiritus sancti percepto sequamur. Per. g. gg.
ITEM ALIA PRO ENERGUMENO.
Domine sancte Pater omnipotens sempiterne Deus, virtutem tuam totis exoro gemitibus pro hujus a diabolo oppressa infantia, qui etiam indignis inter pressuras donasti praesidium, exsurge pro infancia 138.1144C| debellata, et noli diu retinere vindictam, nec ante conspectum tuum veniant parentum delicta, qui nec pro filio patrem nec patri promisisti filium judicare, auxiliare quaesumus, inimici furtive vexatum, ne sine baptismate facias ejus animum a diabolo possidere, sed potius tenera aetas maligni oppressionibus 138.1145A| libera tibi referat gratias sempiternas. Per Dnm nostrum Jhesum Christum Filium tuum, qui venturus est judicare. . . g. gg.
ITEM ALIA ENERGUMEN. BAPTIZATUM SUPER HOMINEM QUI A DEMONIO VEXATUR.
Deus angelorum, Deus archangelorum, Deus prophetarum, Deus apostolorum, Deus martyrum, Deus virginum, Deus Pater Dni nostri Jhesu Christi, invoco sanctum nomen tuum praeclare Majestatis tuae ( suppl. clementiam supplex exposco) ut mihi auxilium praestare digneris adversus hunc nequissimum spiritum, ut, ubicumque latet, audito nomine tuo velociter exeat, et recedat. Ipse tibi imperat, qui te retrorsum redire precepit, audi ergo et Satanas victus et prostratus abscede. In nomine Domini nostri 138.1145B| Jhesu Christi tu ergo nequissime Satanas, inimicus fidei generis humani, mortis raptor, justiciae declinator, malorum radix, fomes vitiorum, seductor hominum, perditor gentium, incitator invidiae, origo avariciae, causa discordiae, excitator dolorum, demonum magister, quid stas et resistis, cum scis eum tuas perdere vires? Illum metue, qui in Isaac immolatus est, in Joseph venumdatus, in agno occisus, in homine crucifixus, deinde triumphator, recede in nomine Patris et Filii et Spiritus sancti, qui cum Patre et Spiritu sancto vivit et regnat per omnia secula seculorum, Amen.
Deus conditor et defensor generis humani, qui hominem ad imaginem et similitudinem tuam manibus tuis, et proprio tuae divinitatis ore formasti, 138.1145C| respice super famulum tuum hunc, qui dolo serpentis adpetitur, quem vetus adversarius et hostia reformidinis horrore circumvolat, et sensum mentis humanae stupore defugit, terrore conturbat, et metum trepidi timoris exagitat, repelle Dne, virtutem diaboli, fallaces insidias, procul impius temptator auffugiat, sit nominis tui signo famulus tuus et animo totus et corpore, tu pectoris hujus interna custodias, tu viscera regas, tu corda conformes, in anima adversariae potestatis temptamenta vanescant. Da ad hanc invocationem nominis tui gratiam, et qui hunc usque terrebat, territus habeat ( l. abeat) et victus abscedat, tibique possit hic servulus tuus corde confirmato et mente sincera debitum prebere famulatum. Per.
138.1145D| Domine sancte Pater omnipotens aeterne Deus 138.1146A| Osanna in excelsis. Pater Domini nostri Jhesu Christi, qui illum refugam tyrannum gehennae deputasti, qui Unigenitum tuum in hunc mundum misisti, ut illum rugientem leonem conteret, velociter adtende, adcelera ut eripias hominem tuis formatum manibus, a ruina et demonio meridiano. Da Domine terrorem tuum super bestiam, quae exterminavit vineam tuam, da fiduciam servis tuis contra nequissimum draconem fortiter stare, nec contempnat sperantes in te, et dicat, sicut in Faraonem jam dixit, Deum non novi, nec Israel dimitto, urgeat illum Domine dextera tua potens discedere a famulis tuis, ne diutius presumat captivum tenere hominem, quem ad imaginem tuam facere dignatus es. Adjuro te ergo serpens antique per judicem vivorum 138.1146B| et mortuorum per factorem mundi, qui habet potestatem mittere te in gehennam, ut ab hoc famulo Dei, qui ex his supplicium tuum crescit, quoniam non hominem contempnis, sed eum, qui dominator vivorum et mortuorum est, qui venturus est judicare saeculum per ignem.
(Ex. cod. bibl. Caes. Vindob. Theol. 685, saec X.)
Quando venit aliquis vexatus a demone, tunc presbyter consignet eum cum tribus collectis. Jubet eum postea exire de ecclesia et despoliari vestimentis suis in secreto loco. Interim autem cantet letaniam. Benedicat salem et aquam. Tunc induat eum vestimentis novis aspersis cum aqua benedicta, et tunc vadat ante altare et jejunet usque ad nonam, et presbyter cantet missam pro eo, et det ei sacrificium per VII 138.1146C| dies et maneat cum presbytero usque ad XV dies, nihil comedens nisi panem et salem, et, si presbyter permittit, pisces, legumina, cum benedictione salis et aquae. Et si tunc non praevaluerit inimicum superare, tunc faciat usque dum Deus dignetur super illum facere misericordiam: quia Dominus dixit, hoc genus in nullo potest exire, nisi in oratione et jejunio. Nihil comedes neque bibes, nisi prius de aqua benedicta. Non comedat de capra. Nec caseum, nec butirum. Nec nihil quae illa generat. Nec caput illius pecudis. Nec de pisce. Et usque ad XV dies abstineat se ab uxore sua, et illa similiter a viro suo. Et usque ad plenum annum non comedet in die Dominico factum panem. Nec hanc carnem, quae in ipso die occiditur. Nec calidam cerevissam in Dominico factam. Et nihil calidum manducat 138.1146D| nec bibat, usque dum vixerit. Hec Liezan.
INCIPIUNT ORATIONES CONTRA DEMONIACUM.(Ex eodem codice.) 138.1147A|
Separa te a famulo Dei illo, immunde spiritus maledicte dampnatissime Satanas! sicut separavit omps Ds coelum a terra, lucem a tenebris, justitiam ab iniquitate, mendacium a veritate. Ecce imponitur tibi signum Dei mei, quod tu maligne inponere non potes. Solve nodos, solve catenas, solve ligamina. Te adjuro maledicte Satana, fuge cum estu tuo de mundo hoc in terram Aegypti. Crepe velocius sicut crepuit draco in Babilone ante pedes Dannihel servi Dei, et venient septem angeli principes candidi, et lucerne ardentes ad conburendum te, semen Cain, filii tenebrarum fictae latebrae, adversator castistatis. Seductor animarum, aspersator hereticorum, 138.1147B| lassator populorum, dux malorum. Agnosce artem tuam maledicte Satana. Ecce Gabrihel Angelus cum turibulo aureo pleno incenso de orationibus sanctorum. Invoco nomen majestatis tuae Pater, cum Xpo Filio tuo qui fecit vinum de aqua in Chana Galileae. Iterumque benedixit quinque sensus hominum. Non lateat hic inmundus spiritus ab ungulis digitorum usque ad verticem capitis. Adjuva Dne famu+lum tuum N. sicut adjuvasti Saram filiam Raguhel: sicut illuminasti oculos Tobiae: sicut liberasti Loth de Sodomis: sicut liberasti David ( suppl. de manu) Saul regis: sicut liberasti Teclam de tribus tormentis, ut credat omnipotentem atque in Dei sapientiam et intellectum. P.
Adiuro et deprecor Dne signum cruentum crucis 138.1147C| et Golgotha speciem rubrae rupis, a sanguine hujus Judaeorum magni regis Ihu Xpi Dni nri redemptoris altissimi omnipotentis Dni unigeniti Filii Patris. Signum admirandum valde virtutis crucis Xpi altissimi, ut istum hominem vexatum a maligna virtute adjuvet. Per Dnm.
Alia. Deprecor Dne die noctuque, sig+num majestatis divinae, sig+num summe bonitatis Dei atque ineffabilis, sig+num magne pietatis potentiae sublimis, sig+num gloriae coelestis admirabilis, sig+num salutis aeternae ac vitae perpetuae, sig+num palmae ac victoriae martyrum, sig+num lucis sempiternae sanctorum requie fruentum sine fine in regno 138.1148A| cum Xpo gloriae, sig+num altum ac profundum baptismi mysterium, sig+num salubre ac magnum anime remedium, sig+num ante consecratum Xpi ore ac deprecatum, quod praedixerat apostolis passurum a Judeis crucem pro salute mundi; per te namque auditus surdis donatur, leprosi mundantur, morbi dolore sanantur, vicia separantur. Sig+num Domine diei et resurrectionis Xpi, sig+num adventus Sps sci descendentis super sanctos apostolos et ignis supra singulos credentium populos Xpi primum et in ecclesia Sanctorum. Sig+num super orbem terrarum Xpi ecclesiarum canentium more unacum cordis affectu intimatum. Ihu Xpe qui cum Patre vivis ac regnas in unitate Sps sancti Ds per omnia saecula saeculorum.
138.1148B| Alia. Dne sancte Pater omnipotens aeterne Ds, Osanna in excelsis, Pater Dni nri Ihu Xpi, qui illum locum refugam tyrannum gehennae deputasti, qui Unigenitum tuum in hunc mundum misisti, ut illum rugientem leonem conteret velociter, adtende accelera ut eripias hominem tuis formatum manibus a ruina et demonio meridiano. Da Dne terrorem tuum super bestiam, quae exterminabit vineam tuam. Da fiduciam servis tuis contra nequissimum fortiter stare draconem. Nec contemnat sperantem in te et dicat sicut in Pharaone jam dixit: Dnm non novi, nec Israel dimitto. Urgueat illum dextera tua potens, ut discedat a famulo tuo N. Ne diutius praesumat captivum tenere hominem, quem tu ad imaginem tuam facere dignatus es. Adjuro te serpens antique 138.1148C| per judicem vivorum et mortuorum, per factorem mundi, per eum qui habet potestatem mittere in gehennam, ut ab hoc famulo Dei N. qui ad ecclesiae Dei praesepia cucurrit, cum metu, et exercitu furoris tui festinus discedas. Ad+juro te non mea infirmitate, sed virtute Sps sci, ut discedas ab e+o N. quem omnips Deus ad imaginem suam fecit. Cede, cede non mihi sed mysteriis Xpi. Illius enim te perurguet potestas, qui se affigens cruci suae te subjugavit. Illius brachium contremisce, qui addictas gemitibus inferni animas ad lucem perduxit. Sit tibi terror corpus hominis, sit tibi formido imago Dei. Nec resistas. Nec moreris discedere ab homine 138.1149A| isto N. quoniam complacuit Xpo, ut in homine habitaret. Et ne me infirmissimum putes dum me peccatorem nimis esse cognoscis. Imperat tibi Dnus. Imperat tibi Majestas Xpi. Imperat tibi Deus Pater. Imperat tibi Filius et Spiritus scus. Imperat tibi apostolorum fides, sci Petri et Pauli, et ceterorum apostolorum. Imperat tibi indulgentia Confessorum. Imperat tibi Martyrum sanguis. Imperat tibi sacramentum crucis. Imperat tibi misteriorum virtus. Exi transgressor, exi seductor plenus omni dolo et fallacia, veritatis inimicus, innocentiae persecutor. Da locum durissime, da locum impiissime. Da locum Xpo in quo nihil invenisti de operibus tuis, qui te expoliavit, qui regnum tuum destruxit, qui te victum ligavit, et vasa tua disrupit (diripuit), 138.1149B| qui te projecit in tenebras exteriores, ubi tibi cum ministris tuis erit praeparatus interitus. Sed quid nunc turbulente recogitas? quid temerarie retractas reus omnipotenti Deo, cujus transgressor es, reus Ihu Xpo Filio ejus, quem temptare ausus es, et crucifigere praesumsisti, reus humano generi, cui mors tuis persuasionibus venit. Adjuro te ergo draco nequissime in nomine Agni immaculati, qui ambulat super aspidem et basiliscum, qui conculcat leonem et draconem, ut discedas ab homine isto N. et ab ecclesia Dei. Contremisce et effuge invocato nomine Domini. Illius quem inferi tremunt, cui Virtutes et Dominationes subjecte sunt, quem Cherubim et Seraphim indefessis vocibus clamant. Imperat tibi Verbum caro factum. Imperat tibi natus ex Virgine. 138.1149C| Imperat tibi Ihus Nazarenus, qui te, cum in discipulis suis contempneres, elisum et prostratum exire jussit ab homine: quo praesente cum te ab homine separasset, nec porcorum gregem praesumebas contingere. Recede nunc adjuratus in nomine ejus ab homine, quem ipse plasmavit. Durum tibi est contra stimulum calcitrare. Durum tibi est velle consistere, quia quanto tardius exies, tanto tibi supplicium crescit, quoniam non hominem contempnis, sed illum qui dominator vivorum est, qui venturus est judicare saeculum per ignem, qui cum Patre et Filio et Spiritu sancto vivit et regnat Deus, per omnia saec. saecul. Amen. Alia. Deus qui humano generi saluti etc. Alia. Virtutum coelestium Deus etc.
138.1149D| Alia. In nomine Dei Patris, et Filii, et Spiritus sci. Conjuro te et obtestor te diabole, per nomen Dni nri Ihu Xpi, et imperium ejus, et per virtutem sanctae Trinitatis, et per omnipotentiam ejus, ut exeas Satanas, et omnis diabolica potestas de homine isto N. absque laesione animae et corporis sui. Exeas omnino nec stare, nec discurrere, nec latere, nec servire. in corpore istius, et spiritu, et anima, aut vestimento praesumas, sed profugus abscedas. Nullumque vestigium aut dolorem in anima istius, vel in carne seu ossibus derelinquas. Exite inmundi spiritus, quicunque estis, aut unus, aut plures, 138.1150A| qualecunque vobis sit nomen. Exite velociter. De capite illius, et de capillis ejus de isto homine, de vertice, de fronte, de superciliis, de oculis, de temporibus, de auribus, de naribus, de fistulis, de mutilagine, de maxillis, de lingua, de sub lingua, de dentibus, de ore, de gutture, de gula, de altera gula, de uva, de palato, de aere, de anhelitu ipsius, de pectore, de cogitatione, de labiis, de faucibus, de gengivis, de utroque collo, de ungulis, de humeris, de scapulis, de ascellis, de interscapulis, de dorso, de cervice, de spineta, et de medullis, et evola, procede constrictus per potentiam scae Trinitatis et nomen Dei omnipotentis. Effuge liquefactus de ventre, de visceribus, de femoribus, de genitibus ( l. genibus) de suffraginibus et suris, de cruribus, 138.1150B| de quatuor talonibus, de pedibus, de plantis, de calcaneis, de articulis, de interarticulis, de unguibus omnibus, de medullis universis, de venis, de ossibus cunctis, de nervis, de arteriis, de omnibus carnibus, de omni sanguine suo, de omni humore illius, de totis quinque sensibus ejus, de genitalibus locis, de semine, de unguibus, de pectine, de vesica, de foramine alvi, de mina, de sudore, de omni egestione ipsius. Expellaris in nomine Ihu Xpi crucifixi, qui resurrexit. Exi de felle, de epate, de juncturis omnibus, de intestinis, de stomacho, et ventriculo, de splene omnino procede, nunquam reversurus ibi. Exi de adipe, de reticulo, de renunculis, de corde, de subcorde, de pulmonibus, de omnibus cordis et pulmonum corporis et carnibus. Exi de renibus, de 138.1150C| lumbis, de teribus, de costis, de hiliis, de collis, de vertebris, de natibus, de internatibus, de omnibus fibris vitalibus, de anima, de umbilico, de mammillis, de intervivio, de mula, de intestino grossiore, de pilis, de omni cute ipsius, de toto corpore ejus, de cunctis cibariis, et omni pane suo, de toto potu, de omni victu illius abscedes. Nec adpropinquare, nec malos aeris, nec fendidos orrares, vel insidias ullas ei ingerere praesumas; sed expulsus extra mundum istum per virtutem et signum sanctae crucis redemptoris nostri Ihu Xpi quae est (sunt) arma Christianorum et triumphus Dni Ihu Salvatoris nri. Per quem victus et ligatus es, ut passer in solitudine vacuus, deserta mox concitus et constrictus petas. Per invocationem et virtutem nominis Dei omnipotentis, 138.1150D| exi in ista hora, et in isto momento spiritus inmunde, qui invasisti hunc hominem N. Evola. Evanesce. Hunc hominem sanum, integrum, et sincerum corpore et anima, et spiritu in Dni Ihu servitio in perpetuum derelinque. Exi anathematizate, non remaneas, nec abscondaris in ulla compagine membrorum istius, aut flatu ejus, in ullo domorum angulo suarum per ullum argumentum, aut calliditatem te celare praesumas. Neque quae sunt ejus contingas, aut obsideas. Non vestimenta illius, non viros, non foeminas, non pecora, non jumenta, quae sua sunt ullo modo invadere praesumas; sed catenatus 138.1151A| et frenatus per imperium et potestatem, et regnum Dni nri Ihu Xpi creatoris mundi exul effugias, partesque illas petas, ubi ullam creaturam Dei ledere praesumas. Da mox honorem Deo omnipotenti cujus omnia dominantur imperio, cui incessabilia obediunt elementa. Virtus illius te expellat, et exire cogat cum omni turba tua, qui de Maria Magdalena septem fugavit daemonia. Qui regna mortis per te inventa destruxit, et de potestate tua electos suos abstulit. Ipse est Dominus virtutum, ipse est rex gloriae, qui ex ore Patris prodiit ante luciferum. Teque deprecamur, et invocamus te Deus omps sancta Trinitas, ut hunc hominem, pietatem tuam petentem, jubeas emundari ab omni insidia daemonum, et doloris immissione eorum. In nomine 138.1151B| Ihu et Spiritus sci petimus Deus Pater, ut virtus tua adferatur in hunc hominem aegrum et corroborare eum digneris ad vitam aeternam. Legimus et credimus Dne in Evangelio sancto tuo, quod cum omni imperio Dnus Ihs Filius tuus spiritus immundos ejiciebat, et passiones ab ipsis illatas potenter curabat, ut impleretur quod dictum est a Domino per Esaiam prophetam: Ipse infirmitates nostras et aegritudines portavit, et livore suo plagas nostras sanavit. Tu Domine Salvator mundi apostolis tuis sanctis et omnibus in te credentibus potestatem dedisti spiritus inmundos de omnibus ejicere, et curare omnes languentes, et omnes infirmitates per invocationem sancti nominis tui. Tu dixisti, Omnis quicunque invocaverit nomen Domini, hic salvus 138.1151C| erit. Et quodcunque petieritis Patrem in nomine meo dabit vobis. Tu Domine dixisti, Si vos cum sitis mali nostis bona dare filiis vestris, quanto magis Pater vester de coelo dabit spiritum bonum petentibus se. Tu Domine dixisti, Si habueritis fidem, et dixeritis monti huic, Transi, et transiet. Nos credimus Dominum te esse omnipotentem et omnia apud te possibilia esse. Teque sancta Trinitas, invocamus, exaudi nos Dne Ihu Salvator noster, et per sanctum Nomen tuum petimus Patrem, et Filium, et Spiritum sanctum, ut servum tuum nomine N. ab omni incursu demonum emundari, et omnem infirmitatem quam ingessit, aut in animae aut in corpore illius medicina tua jubeas sanari. Tu Dne dixisti non opus sanis medico, sed aegrotis, et dignatus es dicere: 138.1151D| Non veni vocare justos, sed peccatores. Tu Deus verus, et tu solus bonus cum Patre et Spiritu sancto, mediator Dei et hominum, et propitiatio pro peccatis nostris Ihu Xpe Fili Dei vivi. Omnipotens ab omnipotente genitus ante saecula semper es factor primi saeculi cum Spiritu sancto. Mitte omnes sanctos angelos atque archangelos. Mitte sanctum Archangelum Michaelem, sanctum Gabrihelem, sanctum Raphaelem, ut adsint, et defendant, et tueantur hominem tuum N. quem tu plasmasti, cui animam tu dedisti, et sanguinem tuum pro ipso fundere dignatus fuisti. Protegant illum, illuminent vigilantem, dormientem ab omni infestatione diabolica ita reddant quietum atque securum, ut nullum deinceps 138.1152A| in quo potestatem habeat pars iniqua, nec ingredi praesumat. Nec animam illius, nec corpus ejus nequam spiritus laedere vel fatigare, aut terrere, aut temptationibus titillare praesumat. Per.
ITEM BENEDICTIO SANCTA SUPER INFIRMUM.
Sanet te Deus Pater, qui te creavit, sanet te Filius Dei, qui pro te passus est, sanet te Spiritus sanctus, qui in te effusus est, sanet te fides tua, quae te liberavit ab omni iniquitate. Benedicat te Deus Pater, et custodiat te Filius Dei, illuminet te Spiritus sanctus, ut habeas vitam aeternam in saecula saeculorum. Amen. Benedicat te Pater omnipotens de coelo, qui in principio cuncta creavit verbo. Benedicat te Filius Dei, qui de sede paterna ad nos redimendos venire dignatus est. Benedicat te Spiritus 138.1152B| sanctus, qui in specie columbae, in flumine Jordanis alvei super Xpum Dnm requievit. Sancta Trinitas et inseparabilis unitas te benedicat et animam tuam custodiat, in saecula sempiterna amen.
Item sancta benedictio.
Benedictio Dei Patris cum angelis suis sit super te. Benedictio Xpi cum apostolis suis sit super te. Benedictio Spiritus sancti cum septem donis sit super te. Benedictio et sanctificatio et salvatio verborum factorum, virtusque mysteriorum Dei, et sancti Evangelii, in nomine Dei summi sit super te in vitam aeternam. Benedictio dominicae incarnationis et benedictio beatae passionis et resurrectionis et ascensionis Xpi sit super te: et pax Dei quae exsuperat omnem sensum custodiat sensum tuum, et cor tuum, 138.1152C| et corpus tuum, in Xpo Jhu Dno nro amen. Benedictio Ecclesiae catholicae cum filiis suis electis sit super te. Benedictio patriarcharum, et suffragia apostolorum, et victoria martyrum, fides confessorum, castitas virginum, et continentia viduarum, et intercessiones omnium Sanctorum tuorum Domine sint super te. Fiant merita et orationes eorum tecum, in cogitationibus, in sermonibus, in operibus, in diebus, in noctibus. Commendo te toto tempore sub potestate sanctae Trinitatis, ut custodiat te in vitam aeternam. Amen.
SUPER DAEMONIACCUM.
Domine sancte Pater omnipotens aeterne Deus expelle diabolum de homine isto N. de capite, de capillis, de vertice, de cerebro, de fronte, de oculis, 138.1152D| de ore, de auribus, de naribus, de lingua, de sublingua, de gutture, de gula, de collo, de corpore tuo, de omnibus membris tuis, de compaginibus membrorum tuorum, de intus, de foris, de ossibus, de venis, de nervis, de omnibus operibus malis, de virtute, de omni conversatione, et in futuro operetur in te virtus Xpi, qui viv.
Alia. Omnipotens sempiterne Deus, a cujus facie coeli distillant, montes sicut cera liquescunt, terra tremet, cui patent abyssi, quem infernus pavescit, quem omnis iratum mox aspiciens humiliatur. Te supplex deprecor dominator Domine, ut invocatione nominis tui ab hujus famuli tui vexatione inimicus confusus abscedat, et ab hujus possessione anima 138.1153A| liberata ad auctorem suae salutis recurrat, liberatoremque suum diabolico fetore depulso, et odore suavissimo Spiritus sancti percepto sequatur. Per.
Alia. Domine sancte Pater omnipotens sempiterne Deus, virtutem tuam totis exoro gemitibus pro hujus famuli tui a diabolo oppressi infantia, qui etiam indignis inter pressuras donas praesidium. Exurge pro hujus infantia debellata, et noli diu retinere vindictam, nec ante conspectum tuum veniant parentum delicta, qui nec pro filio patrem, nec pro patre promisisti filium judicare. Auxiliare quaesumus inimici furore vexato. Ne sine baptismate facias ejus animam a diabolo possideri, sed potius tenera aetas malignis oppressionibus liberata tibi referat gratias sempiternas. P.
138.1153B| Item alia. Deus angelorum, Deus archangelorum, Deus prophetarum, Deus apostolorum, Deus martyrum, Deus confessorum, Deus virginum, Deus Pater Dni nri Ihu Xpi. Invoco sanctum nomen tuum ac praeclarae Majestatis tuae clementiam supplex exposco, mihi auxilium praestare digneris adversus hunc nequissimum spiritum, ut ubicunque latet, audito nomine tuo velociter exeat, vel recedat. Ipse tibi imperat, diabole, qui ventis, et mari, vel tempestatibus imperavit. Ipse tibi imperat, qui te de supernis coelorum in inferiora terrae dimergi praecepit. Ipse tibi imperat, qui te retrorsum redire praecepit. Audi ergo et time Satanas victus et prostratus abscede in nomine Dni Ihu Xpi. Tu ergo nequissime Satanas inimicus fidei generis humani 138.1153C| mortis raptor, justicie declinator, malorum radix, fomes vitiorum, seductor hominum, perditor gentium, incitator invidiae, origo avaritiae, causa discordiae, excitator dolorum, daemonum magister, quid stas et resistis cum scis eum tuas perdere vires? illum metue, qui in Isaac immolatus est, in Joseph venumdatus, in agno occisus, in homine crucifixus, deinde triumphator. Recede in nomine Patris et Filii et Spiritus sancti, et da locum Spiritui sancto, per hoc signum crucis Xpi Dni nri, qui cum Patre et Spiritu sco vivit et regnat.
Alia. Deus conditor et defensor generis humani, qui hominem ad imaginem et similitudinem tuam formasti. Respice super famulum tuum hunc N. qui dolis invidi serpentis adpetitur, quem vetus 138.1153D| adversarius et hostis antiquus atrae formidinis horrore circumvolat, et sensum mentis humanae stupore defigit, terrore conturbat, et metu trepidi timoris exagitat. Repelle Domine virtutem diaboli, fallacesque ejus insidias amove. Procul impius temptator 138.1154A| auffugiat. Sit nominis tui sig+no famulus tuus et animo tutus et corpore. Tu pectoris hujus interna custodias. Tu viscera regas. Tu corda confirmes. Mala adversariae potestatis temptamenta vanescant. Da ad hanc invocationem nominis tui gratiam, ut qui hucusque terrebat, sit territus, et victus abscedat. Tibique possit hic servus tuus corde firmato et mente sincera debitum praebere famulatum. Per.
Alia. Omps et misericors Deus, Pater Domini nostri Jhu Xpi. Te supplices deprecamur, impera diabolo, qui hunc famulum tuum N. detinet, ut ab eo recedat, et libera eum ut credat in verum liberatorem Dnum nrum Jhm Xpm, ut expurgatus ab omni labe iniquitatis, majestati tuae pura mente 138.1154B| deserviat, consecutus gratiam Spiritus sancti, qui cum Patre vivit.
Alia. Non ego impero tibi propter peccata mea immundissime spiritus, sed imperat tibi agnus immaculatus Jhs Xpus Dnus noster, Deus Dei Filius. Urguent te angeli, urguent te archangeli, urguent te prophetae, urguent te apostoli, urguent te martyres, urguent te confessores, urguent te virgines. Deficiant ergo artes diaboli, in die, in nocte, in mense, in hora, in momento. Redde ergo fortitudinem in membris. Redde animae sanitatem. Non temptes eam. Non morti tradas. Non in esca, non in potu, non in oculis, non in locis publicis, non supervenias vigilanti, non dormienti, non mentem moveas, nec inpedias, quaerentem vitam aeternam. 138.1154C| Recede ergo a capite, a capillis, a lingua, a sublingua, a brachiis, a naribus, a pectore, ab oculis, a venis, ab intestino majore, et minore. Separa te diabole ab hoc famulo Dei N. sicut separavit omnipotens Deus coelum a terra, lucem a tenebris, veritatem a mendacio, bonum a malo, dulcem ab amaro, sic eris separatus inmundissime spiritus, quia vicit te Xpi potentia, quem tu vincere non potes, sed vindicet in te Dnus noster Jhs Xpus, qui te dampnavit in aeternum, et descendat ad nos Domine gratia tuae pietatis. Sig+na Domine caput ejus, sicut signavit Dnus omnipotens infirmos in Chana Galileae. Sig+na oculos suos, ut ex ipsis expellatur diabolus qui laedit omnem carnem. Benedicat te Dns sicut benedixit oculos caecorum, qui in evangelio leguntur. 138.1154D| Sig+na omnia membra illius ut ex ipsis expellatur diabolus qui laedit omnem carnem. Benedicat te Dnus, sicut benedixit domum Abraham, Isaac, et Jacob. Fiat sanitas Domini super te, sicut sanavit Dominus mulierem a fluxu sanguinis. Custodiant te 138.1155A| angeli, et archangeli. Protegat te Deus Israel, et adjiciat sanitatem, et benedictionem suam tibi et hic et in futuro saeculo. Amen.
Alia. Omnipotens sempiterne Deus, petimus humili prece divinam clementiam tuam ut hunc famulum tuum N. quem conspicimus ab antiquo hoste graviter temptari et sensus suos a livore Satanae in aliquo perturbari atque vexari, ab ejus impetu clementer eripias, ut hos, qui in ecclesia tua positi per baptismatis sacramentum conjuncti nomen sanctum tuum confitentur nulla possit adversitas diabolica temptatione subvertere. Per.
IMPOSITIO MANUUM SUPER ENERGUMINUM CATICUMINUM.
Omnipotens sempiterne Deus, a cujus facie coeli distillant, montes sicut cera liquescunt, terra tremit, 138.1155B| cui patent abyssi, quem infernus pavescit, quem omnis irarum motus aspiciens humiliatur. Ut supra.
Alia pro parvulo energumeno. Or. .
Dne sancte Pater omnipotens sempiterne Deus virt. Alia. Deus angelorum. Alia. Deus conditor. Alia. Domine sancte Pater omps Deus osanna.
UNCTIO OLEI SUPER DEMONIACUM. Unguo te oleo sanctificato in nomine Patris et Filii et Spiritus sancti, ut per sanctam Trinitatem salveris in saecula saeculorum amen.
Alia Oratio.
Benedicat te Dominus et custodiat te Xps ab omnibus insidiis diaboli in nomine Patris et Filii et Spiritus sancti.
138.1155C| Alia. Benedicat te Dominus et custodiat te, ostendatque Dnus faciem suam tibi et misereatur tui. Convertat Dns faciem suam ad te, et det tibi pacem, et impleat te Dominus Spiritu sancto. Amen. Ipse Deus pacis sanctificet te per omnia ad perfectum ut integer Spiritus tuus, et anima, et corpus sine querela in adventu Dni nri Jhu Xpi servetur.
138.1156A| Alia unctio Olei.
Haec tibi unctio per signum crucis et per oleum sanctificatum et per donum Spiritus sancti fiat tibi ad sanitatem. Per.
Oratio post unctionem Olei.
Respice Domine famulum tuum in infir. etc.
Alia. Respice Dne propitius super hunc famulum tuum, et opem ei ferre dignare super lectum doloris ejus, inpone manum tuam in manu mea, ne meam peccatoris manum spernat infirmitas, sed ad invocationem tui nominis effugiat, ut hic famulus tuus, diabolo depulso, ad sanitatem refectus exurgat, et repraesentetur ecclesiae tuae, ut gratias referat nomini sancto tuo. Per.
BENEDICTIO AQUAE CUM LIGNO SANCTAE CRUCIS.
138.1156B| Inprimis laetania, postea Kyriel. Pater noster. Credo in Deum. (Ex eodem codice.)
Ego dixi Dne. Concede nos Deus sal. Salvum fac servum tuum. Mitte ei Dne aux. Nihil proficiet inim. Castigans castig. In tribulatione mea. Dne ne memineris. Adjuva nos Deus sal. Dnus custodit te. Dnus pro etc. Postea Evangelium legatur secundum Lucam. Dnus vobiscum. Et cum spiritu tuo. In illo tempore. Surgens Ihs de synagoga.
Benedictio salis.
Exorcizo te creatura salis in nomine Patris et Filii et Spiritus sci, qui te per Helyseum prophetam 138.1156C| tam in aquam mitti jussit, ut sanaretur sterilitas, qui divina voce sua ita discipulis, Vos estis sal terrae, et per apostolum, Cor vestrum sit sale conditum, ut omnes qui ex te sumpserint sanctificati fiant animis atque corporibus, et ubicunque aspersus praestes omnibus remissionem peccatorum, sanitatem mentis et corporis, protectionem salutis, ad expellendas 138.1157A| et excludendas omnes demonum temptationes. In nomine Dei Patris, et Filii, et Sps sci. qui venturus est judicare vivos et m.
Benedictio aquae.
Deus qui ad salutem humani generis. Ut supra.
BENEDICTIO SALIS ET AQUAE CONTRA FANTASIAM SATANAE. Exorcizo te creatura salis et aquae per Deum vi+vum, per Deum ve+rum, ut omnis virtus adversarii, omnisque exercitus diaboli, omnis incursus, omne fantasma eradicetur et effugetur ab hac creatura aquae vel salis, ut cum aspersus fuerit vel gustaverit, ex ea servus tuus ab hac creatura aquae Dne sit tutus ab omni diabolicae potestatis incursu et 138.1157B| alienus habeatur. Per.
Benedictio ad unum hominem.
Exorcizo te creatura salis et aquae in nomine Dei Patris, et in nomine Domini nostri Ihesu Christi Filii ejus, ut omnis immundus spiritus et incursio diaboli eradicetur, et separetur ab hac creatura salis et aquae: proinde efficere exorcizata ad omnem fantasiam inimici, et ipsum inimicum eradicare et explantare in nomine Ihu Xpi qui venturus est in Spiritu sancto judicare vivos ac mortuos et saeculum per ignem. Amen.
Oratio super lignum crucis et aquam.
Oremus. Dne Ihu Xpe Fili Dei vivi, qui secundum magnam dispensationem incarnationis tuae in ligno 138.1157C| crucis mori voluisti, ut per tuam mortem humanum genus a perpetua morte liberares, praesta per invocationem nominis tui, ut haec aqua a tactu ipsius sanctae crucis sanctificata, famulo tuo N. quem ardens febris graviter excruciat, proficiat ad corporis animaeque salutem, quod ipse praestare digneris. Qui cum Deo Patre et Spiritu.
Alia. Dne Ihu Xpe, qui pro nostra redemptione per passionem tuam hoc lignum crucis sanctificare voluisti. Concede propitius, ut quicunque hanc aquam ejusdem sanctae crucis tactu sanctificatam, haustu perceperint, ab omni infirmitate mentis et corporis absolventur, qui cum Deo Patre et Spiritu sco vivis etc.
Alia. Deus cui cunctae obediunt creaturae, et 138.1157D| omnia in verbo tuo fecisti in sapientia, supplices quaesumus ineffabilem clementiam tuam, ut quos per lignum sanctae crucis Filii tui pio cruore dignatus es redimere, tu qui es lignum vitae paradysique reparator, omnibus in te credentibus dira serpentis venena extingue, et per gratiam sancti Spiritus poculum salutis semper infunde. Per.
Alia. Deus omnipotens Pater et Xpe Ihu Fili Dei et Spiritus sancte! Rogo vos, ut mittere dignemini benedictionem vestram super hanc creaturam salis et aquae, vel pomi vel casei, ut proficiant ad salutem omnibus quibus dantur, ut sanitas eis fiat in ore, in naribus, in oculis, in fronte, in vertice, in collo, 138.1158A| in pectore, in corde, in ventre, in brachiis, in manibus, in pedibus, in omnibus membris corporis illius, ut non possint frigora et febres vincere vel nocere eum nec in visu, nec in auditu, nec in ambulando, non in gustu cibi, nec bibendo potus; sed Deus perfectus, qui es salvator omnium, salvum fac hominem istum N. ab omni periculo redemptor mundi, qui cum Patre et Spiritu sco vivis.
ORATIO SUPER DAEMONIACUM.(Ex cod. Vind. theol. 277, saec. XII vel XIII.) Repelle Domine ab hoc famulo tuo omnem infestationem inimici, ut redintegratus pristinae sanitati, ad gratiarum clementiae tuae redeat actionem. Per Dnm.
138.1158B| Alia. Deus Angelorum etc. ut supra. Alia. Deus qui conditor et defensor es generis humani qui etc. Alia. Domine sancte Pater omnipotens aeterne Deus, Osanna etc. Alia. Domine sancte Pater omnipotens aeterne Deus, expelle etc.
Alia adjuratio.
Exorcizo te spiritus immunde. Non ego tibi impero neque peccata mea, sed imperat tibi agnus immaculatus Christus Deus et Dei Filius. Urgent te Angeli et Archangeli. Urgent te patriarchae et prophetae. Urgent te apostoli Christi. Urgent te martyres Christi, et Confessores, ut deficiant artes diaboli die ac nocte, in mense, et in hora, atque momento. Redde ergo fortitudinem membris, redde animae sanitatem: non temptabis eam, et morti non 138.1158C| tradas. Non apparebis in esca, nec in locis publicis, nec super venies vigilanti, neque dormienti, nec mentem ejus moveas, nec impedias quaerentem vitam aeternam. Per Dnm.
Alia. Omnipotens et misericors Deus pater Dni nri Ihu etc. Recede ergo immundissime spiritus ab hoc famulo Dei, sicut separavit Deus Pater omnipotens coelum a terra, lucem a tenebris, veritatem a mendacio, bonum a malo, dulce ab amaro; sic eris separatus ab eo per potentiam, qua te Christus vicit, quem tu vincere non potes, sed vincat te Dns Ihs Xps, teque dampnatum aeternis mancipet poenis. Descendat ad nos Domine gratia tuae pietatis. Signo caput tuum, sicut signavit Dominus omnes infirmos in Chana Galileae. Signo oculos tuos, ut ex 138.1158D| ipsis expellatur diabolus, qui laedit omnem carnem tuam. Benedico te, sicut benedixit Dominus oculos caecorum, qui in Evangelio leguntur. Signo omnia membra tua, ut ex ipsis expellatur diabolus, qui laedit omnem carnem tuam. Benedicat te Dominus, sicut benedixit domum Abraham, et Isaac, et Jacob, sicut sanavit Dominus mulierem de fluxu sanguinis, sic fiat sanitas Domini super te, et custodiant te angeli et archangeli. Protegat te Deus Israel, et adjiciat sanitatem et benedictionem hic et in futuro saeculo.
Item alia.
Domine sancte Pater omnipotens aeterne Deus per impositionem manuum nostrarum refugiat inimicus 138.1159A| diabolus a capite, a capillis, ab oculis, a naribus, ab auribus, a labiis, a lingua, a sublingua, a collo, a pectore, a ventre, ab intestinis, a cruribus, a pedibus, a calcaneis, ab universis compaginibus membrorum. Non habeat potestatem nocendi, nec tangendo, nec dormiendo, nec vigilando, nec in die, nec in nocte, nec in ingressu, nec in sedendo, nec in jacendo, nec in visu, nec in risu, nec in ludendo, in nomine Dni nri Ihu Xpi qui nos suo sanguine redemit, qui regnat in saecula saeculorum. Nam te adjuro per Deum altissimum maledicte Satanas, ne famulum hunc Dei artibus tuis temptare nitaris, neque in eum violentiis irruas. Contremisce Deum immundissime spiritus, principium sceleris, malorum omnium radix, transgressor viae veritatis, praevaricator 138.1159B| rectae viae, justiciae persecutor, fornicationis suasor, parricidii magister, dissipator pacis, semen pessimum, dux tenebrarum, mortis inventor, janua tartari, gentium vorago, omnium denique criminum causa, separa te a famulo Dei, sicut separavit Deus Pater omnipotens coelum a terra, vitam a morte, septentrionem a meridie, lucem a tenebris, veritatem a mendacio, justitiam ab iniquitate, amorem ab odio, castitatem ab impudicitia. Da honorem Deo, laudem advenienti Spiritui sancto in saecula saeculorum.
Alia. Obsecro te Domine Jesu Christe ut ejicias omnes languores ab omnibus membris hominis istius a capite, a capillis, a cerebro, a fronte, ab oculis, ab auribus, a naribus, a facie, a genis, ab 138.1159C| ore, a lingua, a dentibus, a faucibus, a gutture, ab uberibus, a corde, a stomacho, a ventre, a visceribus, a lateribus, a femoribus, a suris, a pedibus, a carne, a sanguine, ab ossibus, a medullis, a nervis, a cute, ab omni compage membrorum, a vertice capitis ejus usque ad plantas pedum, a scapulis, a brachiis, a manibus, ab ungulis, ut non lateat hic inmundus spiritus. Exaudi Domine cui est virtus et potestas, et imperium in saecula saeculorum. 138.1160A| Exi Satanas de homine isto, de pilo, de cerebro, de vertice, de toto capite, de fronte, de oculis, de naribus, de auribus, de faucibus, de ore, de lingua, de sublingua. Signum crucis Christi, signum Salvatoris Dni nri Ihu Xpi sit in fronte tua, ut confidas in eo. Benedic oculos tuos, ut videas claritatem ejus, aures, ut audias verbum veritatis ejus, nares, ut recipias odorem suavitatis, pectus, ut credas in eo; os, ut confitearis illi. Qui venturus.
Item alia.
Deus Abraham, Deus Isaac, Deus Jacob, Deus lucis, Deus claritatis. Domine Deus regnantium dominator, credentium adjutor. Deus in cujus nomine ego peccator benedictionem peto, tu Domine me adjuvare digneris. Adjuro te Satanas per Deum Patrem omnipotentem, 138.1160B| qui fecit coelum et terram mare et omnia, quae in eis sunt, quicumque est spiritus inmundus, ne facias quae facis. Non seducas de via lucis in viam tenebrarum, non nocte non die ei supervenias, nec operibus ejus te interponas, nec fureris animas quas Deus ad imaginem suam formavit. Vade spiritus immunde, ubi nullus vel arator sit, vel seminator. Vide signum crucis, non hic resistas viso signo Christi, qui venturus est in majestate Patris judicare saeculum et te inimice per ignem. Erunt tibi verba haec in testimonium hic et in die judicii Dni nri Ihu Xpi venturi. Draco venenate, amator tenebrarum, deceptor animarum, radix amaritudinis, mendax a principio, praevaricator legis, ejecte de paradiso, impero tibi per Abraham, impero tibi per Isaac, impero 138.1160C| tibi per Jacob, impero tibi per quatuor evangelistas, impero tibi per Spiritum sanctum, quisquis es immunde spiritus apostata sive lunatice sive malefice non accedas ad eum prima luna, neque decrescente, non in esca, non in potu, non in dormiendo neque vigilando, non in via, non in trivio, neque in quadruvio exterminare audeas et nocere famulum Dei. Percutiat te virtus Domini nostri Jesu Christi, qui venturus est.