Migne Patrologia Latina Tomus 138
Ordo ad regem benedicendum (Auctor incertus), J. P. Migne
cc_id: cps_2.AucInc.OrAdReB, cc_idno: 9637
c
INCIPIT ORDO AD REGEM BENEDICENDUM, QUANDO NOVUS A CLERO ET POPULO SUBLIMATUR IN REGNUM.(Ex cod. Vindobon. theol. 277. saec. XII vel XIII.) 138.1111C|
Primo exeunte illo de thalamo unus episcoporum imponat orationem. Omnipotens sempiterne Deus, qui famulum tuum regni fastigio dignatus es sublimare; tribue quaesumus ei, ut in hujus saeculi cursu cunctorum in commune salutem disponat, quatenus a tuae veritatis tramite non recedat. Per.
Postea suscipiant illum duo episcopi dextra levaque ejus honorifice parati habentes Sanctorum reliquias collo pendentes, caeteri autem phaphones sint casulis adornati praecedente sancto evangelio, et duabus crucibus cum incenso boni odoris ducant illum ad 138.1111D| ecclesiam canentes antiphonam istam altis clamoribus Ecce mitto Angelum. Cum versu, Israel si me audieris. Ad ostium ecclesiae clerus subsistat, et archiepiscopus imponat orationem subsequentem. Deus qui scis genus humanum nulla virtute posse subsistere, concede propitius, ut famulus tuus, quem populo tuo voluisti preferri, ita tuo fulciatur adjutorio quatenus quibus potuit praeesse, valeat prodesse. Introeuntes autem praecedentes clerici, decantent antiphonam Domine salvum fac regem. Usque in introitum chori. Tunc episcopus metropolitanus dicat 138.1112C| orationem. Omnipotens sempiterne Deus coelestium terrestriumque moderator, qui famulum tuum ad regni fastigium dignatus es provehere, concede quaesumus, ut cunctis adversitatibus liberatus, et ecclesiasticae pacis dono muniatur, et ad aeternae pacis gaudia, te donante, pervenire mereatur. Per.
Ibi autem ante chorum designatus princeps pallium et arma deponat, atque inter manus episcoporum perductus in chorum usque ad altaris gradus incedat; cunctoque pavimento tapetibus et palliolis contecto, ibi humiliter totus in cruce prostratus jaceat una cum episcopis et presbyteris hinc inde prostratis, caeteris in choro letaniam breviter psallentibus, id est duodecim apostolos, ac totidem martyres, confessores, et virgines. Et inter caetera inferenda sunt ista, quae 138.1112D| secuntur. Ut istum famulum tuum N. in regem eligere digneris. Te rogamus audi nos. Ut eum benedicere et sublimare digneris. Te rog. Ut eum ad imperii fastigium perducere digneris. Te rogamus. Sublatus autem princeps ab episcopo metropolitano hoc modo interrogetur. Vis fidem sanctam a catholicis viris tibi traditam tenere, et operibus justis observare. R\. Volo. Vis sanctis ecclesiis, ecclesiarumque ministris tutor et defensor esse. R\. Volo. Vis regnum tibi a Deo concessum secundum justitiam patrum tuorum regere et defendere. 138.1113A| R\. Volo. Volo, et in quantum divino fultus adiutorio ac solatio omnium suorum valuero, ita me per omnia fideliter acturum esse promitto. Deinde ipse domnus metropolitanus affatur populum his verbis. Vis tali principi ac rectori te subiicere, ipsiusque regnum firmare, firma fide stabilire, atque jussionibus illius obtemperare juxta apostolum: omnis anima potestatibus sublimioribus subdita sit regi quasi praecellenti. R\. Volo. Tunc ergo a circumstante clero et a populo unanimiter dicatur. Fiat. Fiat. Amen.
Postea vero, eo devote inclinato capite dicatur ab uno episcopo. Benedic Domine hunc regem nostrum, qui regna omnia moderaris a saeculo, et tali eum benedictione glorifica, ut Davidicae teneat sublimitatis 138.1113B| sceptrum, et glorificatus in ejus protinus recipiatur merito. Da ei Domine tuo spiramine cum mansuetudine ita regere populum sicut Salomonem regnum obtinere pacificum. Tibi semper cum timore sit subditus, tibique militet cum quiete. Sit tuo clypeo protectus cum proceribus, et ubique tua gratia victor existat. Honorifica eum prae cunctis regibus gentium. Felix populis dominetur, et feliciter eum nationes adornent. Vivat inter gentium catervas magnanimus, sit in judiciis aequitatis singularis, locupletet eum praedives dextera, frugiferam obtineat patriam, et ejus liberis tribuas profutura. Praesta ei prolixitatem vitae per tempora, et in diebus ejus oriatur justitia, ac robustum teneat regiminis solium, et cum iocunditate et laetitia aeterno glorietur in regno. Per.
138.1113C| Oratio.
Omnipotens sempiterne Deus creator omnium, imperator angelorum, rex regnantium, Dominusque dominantium, qui Abraham fidelem famulum tuum de hostibus triumphare fecisti, Moysi et Josuae populo praelatis multiplicem victoriam tribuisti, humilemque David puerum tuum regni fastigio sublimasti, et Salomonem sapientiae pacisque ineffabili munere ditasti; respice quaesumus ad preces humilitatis nostrae, et super hunc famulum tuum N. quem supplici devotione in regem elegimus, benedictionum tuarum dona multiplica eumque dextera tuae potentiae semper et ubique circumda, quatinus praedicti Abrahae fidelitate firmatus, Moysi 138.1113D| mansuetudine fretus, Josue fortitudine munitus, David humilitate exaltatus, Salomonis sapientia decoratus, tibi in omnibus placeat, et per tramitem justitiae in offenso gressu semper incedat, ecclesiamque tuam deinceps cum plebibus sibi annexis ita enutriat, ac doceat, muniat ac instruat, contraque omnes visibiles et invisibiles hostes eidem potenter, regaliterque tuae virtutis regimen administret, et ad verae fidei pacisque concordiam eorum animos te opitulante reformet, ut horum populorum debita subiectione fultus condigno amore glorificatus 138.1114A| ad paternum decenter solium tua miseratione conscendere mereatur. Tuae ergo protectionis galea munitus, et scuto insuperabili jugiter protectus, armisque coelestibus circumdatus, optabilis victoriae triumphum feliciter capiat, terroremque suae potentiae infidelibus inferat et pacem tibi militantibus laetanter reportet per Dnm nrm qui virtute sanctae crucis tartara destruxit, regnoque diaboli superato ad coelos victor ascendit, in quo omnis potestas, regum consistit victoria, qui est gloria humilium et vita, salusque populorum. Qui tecum.
Deinde ab altero episcopo haec dicatur oratio. Deus inenarrabilis auctor mundi, conditor generis humani, gubernator imperii, confirmator regni, qui ex utero fidelis amici tui patriarchae nostri 138.1114B| Abrahae praeelegisti reges saeculis profuturos tum praesentem regem hunc cum exercitu suo per intercessionem omnium sanctorum uberi benedictione locupletata, et in solium regni firma stabilitate connecte. Visita eum sicut visitasti Moysen in rubo, Jesu Nave in proelio, Gedeon in agro, Samuelem in templo, et illa eum benedictione siderea, ac rore sapientiae tuae perfunde, quam David in psalterio, Salomon filius eius, te remunerante percepit e coelo. Sis ei acies contra inimicos, lorica in adversis, galea in prosperis, patientia in protectione, clypeus eius sempiternus, et praesta, ut gentes illi (illius) teneant fidem, proceres sui habeant pacem, diligant charitatem, abstineant se a cupiditate, loquantur justitiam, custodiant veritatem. Et 138.1114C| ita populus iste sub eius imperio pullulet coaluus ( an coalitus?) benedictione aeternitatis, ut semper maneant tripudiantes in pace victores. Quod ipse praestare dignetur, qui tecum vivit.
Tunc ab episcopo metropolitano unguantur manus de oleo sanctificato. Unguantur manus istae de oleo sanctificato, unde fuerunt uncti reges et prophetae, et sicut unxit Samuel David in regem, ut sis benedictus, et constitutus rex in regno isto super populum istum, quem Dominus Deus tuus dedit tibi ad regendum ac gubernandum. Quod ipse praestare. Prospice omnipotens Deus hunc gloriosum regem ill. serenis obtutibus, et sicut benedixisti Abraham, Isaac et Jacob, sicut illum largis benedictionibus spiritualis gratiae cum omni plenitudine tuae potentiae 138.1114D| irrigare, atque profundere dignare. Tribue ei Domine de rore coeli, et de pinguedine terrae habundantiam frumenti, vini et olei, et omnium frugum per tempora, ut illo regnante sit sanitas corporum in pata (patria), pax inviolata sit in regno, et dignitas gloriosa regalis palatii maximo splendore regiae potestatis oculis omnium fulgeat, luce clarissima clarescat, atque splendore quasi splendidissima fulgore maximo perfusa lumine videatur. Tribue ei omnipotens Deus, ut sit fortissimus protector patriae, et consolator ecclesiarum, atque coenobiorum 138.1115A| sanctorum maxima cum pietate regalis munificentiae: atque ut sit fortissimus regum, triumphator hostium ad opprimendas rebelles et paganas nationes. Sitque suis inimicis satis terribilis permaxima fortitudine regalis. Optimatibus quoque ac praecelsis, proceribusque ac fidelibus sui regni sit magnificus et amabilis et pius, ut ab omnibus timeatur atque diligatur. Reges quoque de lumbis eius per successiones temporum futurorum egrediantur, regnum hoc totum regere, et post gloriosa atque felicia huius vitae praesentis gaudia sempiterna in perpetua beatitudine habere mereatur. Quod ipse.
Postea vero a pontifice metropolitano unguantur de oleo sanctificato caput, pectus, et scapulae ambae compages. Unguo te in regem de oleo sanctificato in 138.1115B| nomine Patris et Filii et Spiritus sancti. Spiritus sancti gratia humilitatis nostrae officio in te descendat copiosa, ut sicut manibus nostris indignis oleo materiali pinguescis exterius oblitus, ita eius invisibili unguine delibutus impinguari merearis interius, eiusque spiritali unctione perfectissime semper imbutus, et illicita declinare tota mente, et spernere discas seu valeas, et utilia animae tuae iugiter cogitare, optare, atque operari queas, auxiliante Dno nro Ihu Xpo, qui cum Patre. Deinde dicatur oratio. Deus qui es iustorum gloria, et misericordia peccatorum, qui misisti Filium tuum preciosissimo sanguine suo genus humanum redimere: qui conteris bella, et propugnator es omnium in te sperantium, et sub cuius arbitrio omnium 138.1115C| regnorum continetur potestas, te humiliter deprecamur, ut praesentem famulum tuum N. in tua misericordia confitentem in praesenti sede regali benedicas, eique propitius adesse digneris, ut qui tua expetit protectione defendi, omnibus sit hostibus fortior. Fac eum Domine beatum esse et victorem de inimicis suis. Corona eum corona iustitiae et pietatis, ut ex tota mente in te credens, tibi deserviat, sanctam tuam Ecclesiam defendat, et sublimet, populumque a te sibi commissum iuste regat. Nullus insidiantibus malis in iniustitiam vertat. Accende Domine cor eius ad amorem gratiae tuae per hoc unctionis oleum, unde unxisti reges et prophetas: quatinus iustitiam diligens per tramitem familiariter iustitiae, populum ducens, post peracta 138.1115D| a te disposita in regali excellentia annorum curricula pervenire ad aeterna gaudia mereatur. Per.
Alia. Deus Dei Filius Iesus Christus Dnus nr qui a Patre oleo exultationis unctus est prae participibus suis, ipse per praesentem sacrae unctionis infusionem Spiritus sancti Paraclyti super caput tuum infundat benedictionem, eandemque usque ad interiora cordis tui penetrare faciat: quatinus hoc visibili et tractabili dono invisibilia percipere, et temporali regno iustis moderaminibus exsecutio ( f. exsecuto, exsecutus), 138.1116A| aeternaliter cum eo regnare merearis, qui solus sine peccato rex regum vivit et glorificatur cum Deo Patre in unitate Spiritus per omnia.
Postea ab episcopis ensem accipiat, et cum ense totum sibi regnum fideliter ad regendum secundum supradicta verba sciat esse demandatum dicente metropolitano pontifice. Accipe gladium per manus episcoporum licet indignas, vice tamen et auctoritate sanctorum apostolorum consecratas tibi regaliter impositum, nostraeque benedictionis officio in defensionem sanctae Dei Ecclesiae divinitus ordinatum: et esto memor, de quo Psalmista prophetavit dicens: Accingere gladio tuo super femur tuum potentissime, ut in hoc per eundem vim aequitatis exerceas, et molem iniquitatis potenter destruas, et 138.1116B| sanctam Dei Ecclesiam eiusque fideles propugnes, atque protegas, nec minus sub fide falsos quam christiani nominis hostes execres ac destruas, viduas ac pupillos clementer adiuves ac defendas, desolata restaures, restaurata conserves, ulciscaris iniusta, confirmes bene disposita: quatinus haec in agendo virtutum triumpho gloriosus, institiaeque cultor egregius, cum mundi Salvatore, cuius typum geris in nomine, sine fine merearis regnare. Qui cum Deo.
Accinctus autem ense similiter ab illis armillas et pallium et annulum accipiat illis dicentibus. Accipe dignitatis annulum et per hunc in te catholicae fidei cognosce signaculum, quia ut hodie ordinaris caput et princeps regni ac populi, ita perseverabilis auctor, 138.1116C| ac stabilitor christianitatis et christianae fidei, ut felix in opere, locuples in fide, cum rege regum glorieris, per eum cui est honor, gloria in saecula.
Postea vero sceptrum et baculum accipiat dicente sibi metropolitano: Accipe virgam virtutis atque aequitatis, qua intelligas mulcere pios, et terrere reprobos, errantibus viam pandere, lapsis manum porrigere, disperdasque superbos, et releves humiles, et aperiatur tibi ostium Ihs Xps Dns nr, qui de semetipso ait: Ego sum ostium: per me si quis introierit, salvabitur, et ipse, qui est clavis David et sceptrum domus Israel: qui aperit et nemo claudit, qui claudit et nemo aperit. Sitque auctor, qui educit vinctum de domo carceris, sedentemque in tenebris 138.1116D| et umbra mortis, et in omnibus sequi merearis eum, de quo propheta David cecinit, Sedes tua Deus in saeculum saeculi, virga aequitatis, virga regni tui. Et imitando ipsum diligas justitiam, et odio habeas iniquitatem, qui propterea unxit te Deus, Deus tuus ad exemplum illius, quem ante saecula unxerat oleo exultationis prae participibus suis Iesum Christum.
Postea metropolitanus verenter coronam imponat capiti regis dicendo. Accipe coronam regni, quae licet ab indignis, episcoporum tamen manibus, capiti 138.1117A| tuo imponitur, quamque sanctitatis gloriam, et honorem, et opus fortitudinis expresse, signare intelligas, et per hanc participem ministerii nostri non ignores; ita, ut sicut nos in interioribus pastores rectoresque animarum intelligimus, tu quoque in exterioribus verus Dei cultor, strenuusque contra omnes adversitates Ecclesiae Christi defensor, regnique tibi a Deo dati, et per officium nostrae benedictionis in vice apostolorum omniumque sanctorum tuo regimini commisso utilis executor, regnatorque proficuus semper appareas: ut inter gloriosos athletas virtutum gemmis ornatus et praemio sempiternae felicitatis coronatus cum redemtore ac Salvatore Iesu Christo cujus nomen vicemque gestare crederis, sine fine glorieris, qui vivit et imperat 138.1117B| Deus cum Deo Patre in saecula saeculorum. R\. Amen.
Et ab eo statim dicatur oratio vel benedictio super eum, quae et tempore synodi dicenda est. Benedicat tibi Dominus, custodiatque te, et sicut te voluit super populum suum esse regem, ita in praesenti saeculo felicem aeternae felicitatis tribuat esse consortem. R\. Amen. Clerum ac populum, qua sua voluit opitulatione, in tua sanctione congregari, sua dispensatione, et tua administratione per diuturna tempora faciat feliciter gubernari. R\. Amen. Quatinus divinis monitis parentes adversitatibus carentes, bonis omnibus exuberantes, tuo imperio fideli amore obsequentes, et in praesenti saeculo tranquillitate fruantur, et tecum aeternorum civium consortio 138.1117C| potiri mereatur. Amen. Quod ipse praestare.
Deinde coronatus honorifice per chorum ducatur de altari ab episcopis usque ad solium, canente clero Responsorium Desiderium animae. Deinde dicat sibi metropolitanus. Sta et retine locum ammodo, quem hucusque paterna successione tenuisti haereditario jure delegatum per auctoritatem Dei omnipotentis, et praesentem traditionem nostram omnium scilicet apostolorum, caeterorumque Dei servorum, et quantum clerum sacris altaribus propinquiorem prospicis tanto ei potiorem in locis congruis honorem impendere memineris: quatinus mediator 138.1118A| Dei et hominum te mediatorem cleri, et plebis ( in hoc loco faciat eum sedere domnus metropolitanus dicens ) in hoc regni solio confirmet, et in regno aeterno secum regnare faciat Ihs Xps Dns nr rex regum et Dominus dominantium. Qui cum Deo Patre.
Tunc dei illis osculum pacis. Cunctus autem clericorum coetus illo rectore gaudens sonantibus hymnis alta voce concinat hunc hymnum Te Deum laudamus. Tunc episcopus metropolitanus missam celebret plena processione. Deus qui miro ordine universa disponis, et ineffabiliter gubernas, praesta quaesumus, ut famulus tuus N. haec in huius saeculi cursu implenda decernat, unde tibi in perpetuum placere praevaleat. Per.
138.1118B| Secretum.
Concede quaesumus omnipotens Deus his salutaribus sacrificiis placatus, ut famulus tuus N. ad peragendum regalis dignitatis officium inveniatur semper indoneus, et coelesti patriae reddatur acceptus. Per.
Benedictio episcopalis.
Omnipotens Deus, qui te populi sui voluit esse rectorem ipse te coelesti benedictione sanctificans aeterni regni faciat esse consortem.
Oratio. Concedatque tibi contra omnes fidei christianae hostes visibiles et invisibiles victoriam triumphalem, et pacis atque quietis ecclesiasticae felicissimum te sibi longe lateque fundatorem. Amen. Quatinus te gubernacula regni tenente populus 138.1118C| sibi subiectus christianae religionis iura custodiens undique tutus pace tranquilla perfruatur, et te in concilio beatorum collocato aeterna felicitate te ibidem tecum pariter gaudere mereatur. Quod ipse praestare.
Ad Complendum. Haec Domine salutaris sacrificii perceptio famuli tui N. peccatorum maculas diluat, ut ad regendum secundum tuam voluntatem populum idoneum illum reddat; ut hoc salutari mysterio contra visibiles et invisibiles hostes reddatur invictus per quod mundus divina dispositione redemtus. Per.
Quotation analysis