Migne Patrologia Latina Tomus 138
Ordo ad visitandum infirmum (Auctor incertus), J. P. Migne
cc_id: cps_2.AucInc.OrAdViI, cc_idno: 9638
Ordo ad visitandum infirmum 138.0999B|
Cum ungendus est infirmus, tunc sacerdos indutus alba et stola, praecedit cum oleo infirmorum, aqua benedicta, cruce, et duobus candelabris, et conventus sequitur, psalmo Miserere imposito, dicendaque primo haec collecta a sacerdote. Omnipotens sempiterne Deus, qui per beatum apostolum tuum dixisti. Infirmatur quis in vobis, inducat presbyteros ecclesiae, et orent super eum, ungentes eum oleo in nomine Domini: et oratio fidei salvabit infirmum, et alleviabit eum Dominus, et si in peccatis sit, dimittuntur ei. Te suppliciter exoramus, ut hic famulus tuus per ministerium nostrae unctionis, et donum tuae sanctae pietatis, peccatorum suorum veniam consequi, et ad vitam aeternam pervenire 138.0999C| mereatur. Per.
Imponuntur VII. psalmi cum antiphonis istis:
Ant. Sana me Domine, quoniam conturbata sunt ossa mea, et anima mea turbata est valde: sed tu Domine convertere, et eripe animam meam. Psal. Domine ne in furore.
Ant. Erat quidam regulus, cujus filius infirmabatur Capharnaum: hic cum audisset, quia Iesus veniret in Galileam, rogabat eum, ut sanaret filius ejus. Ps. Beati, quorum.
Ant. Domine puer meus jacet paraliticus in domo, et male torquetur. Amen dico tibi, ego veniam, et curabo eum. Ps. Dne ne in furore.
Ant. Cor contritum, et humiliatum Deus ne despicias; sed propter magnam misericordiam tuam 138.0999D| miserere mei Deus. Ps. Miserere.
Ant. Domine descende, ut sanes filium meum, priusquam moriatur: Dicit ei Jesus: vade filius tuus vivit. Ps. Domine exaudi.
Ant. Domine non sum dignus, ut intres sub tectum meum, sed tantum dic verbo, et sanabitur puer meus. Ps. De profundis.
Ant. Cum sol autem occidisset, omnes qui habebant 138.1000B| infirmos variis languoribus ducebant illos ad Jesum et curabantur. Ps. Domine exaudi.
Interim sacerdos hoc modo facit unctionem: Pollici oleum illinit, et cum pollice signum imprimit super utrumque oculum ita dicendo, singulis autem vicibus repetendo: Per istam unctionem, et suam piissimam misericordiam indulgeat tibi Dominus (Jes. Christ.) quidquid peccasti (deliquisti) per visum, per auditum, per gustum, per odoratum, per tastum, per incessum (pedum), per ardorem libidinis.
Postea preces istae cum seq. collectis dicuntur:
Salvum (salvam) fac servum (ancillam) tuum (tuam)
Mitte ei Domine auxilium de sancto.
Nihil proficiat inimicus in eo (ea).
138.1000C| Esto ei Domine turris fortitudinis.
Dominus vobiscum. Oremus.
Deus, qui famulo tuo ter quinos annos ad vitam donasti, ita et famulum tuum a lecto egritudinis tua potentia erigat ad salutem. Per.
Respice Domine famulum tuum infirmitate sui corporis laborantem, et animam refove, quam creasti; ut castigationibus emendatus continuo se sentiat tua medicina salvatum. Per Christum Dominum nostrum.
Deus qui facturae tuae pio semper dominaris affectu, inclina aurem tuam supplicationibus nostris, et famulum tuum ex adversa valetudine corporis laborantem placatus respice, et visita in salutari tuo, ac coelestis gratiae praesta medicinam. Per 138.1000D| Christum.
Deus qui humano generi, et salutis remedium, et vitae aeternae munera contulisti; conserva in famulo tuo tuarum dona virtutum: et concede, ut medelam tuam non solum in corpore, sed etiam in anima sentiat. Per.
Virtutum coelestium Deus, qui ab humanis corporibus omnem languorem, et omnem infirmitatem 138.1001A| praecepti tui potestate repellis, adesto propitius huic famulo tuo; ut fugatis infirmitatibus et viribus receptis, nomen sanctum tuum instaurata protinus sanitate benedicat. Per X.
¶ Domine sancte Pater omnipotens aeterne Deus, qui fragilitatem conditionis nostrae infusa virtutis tuae dignatione confirmas, ut salutaribus remediis pietatis tuae corpora nostra et membra vegetentur super hunc famulum tuum, propitiatus intende: ut omni necessitate corporeae infirmitatis exclusa gratia in eo pristinae sanitatis perfecta reparetur. Per Dominum.
Exaudi, Domine, preces nostras, et tibi confitentis parce peccatis; ut quem conscientiae reatus accusat, indulgentia tuae miserationis absolvat. Per.
138.1001B| Praeveniat hunc (hanc) famulum (famulam) tuum (tuam) quaesumus Domine misericordia tua: ut iniquitates ejus celeri indulgentia deleantur. Per.
Domine Deus noster, qui offensione nostra non vinceris, sed satisfactione placaris, respice quaesumus ad hunc famulum tuum, qui se tibi peccasse graviter confitetur, tuum esse ablutionem dare criminum, et veniam praestare peccantium, qui dixisti poenitentiam te malle peccatorum, quam mortem; concede ergo Domine hoc; ut tibi poenitentiae excubias celebret, et correctis actibus suis conferri sibi a te sempiterna gaudia gratuletur. Per.
Adesto Domine supplicationibus nostris, nec sit ab hoc famulo tuo N. clementiae tuae longinqua miseratio: sana vulnera, ejusque remitte peccata, ut 138.1001C| nullis iniquitatibus a te separatus tibi Domino semper valeat adhaerere. Per.
Adesto Domine supplicationibus nostris; et me qui etiam misericordia tua primus indigeo, clementer exaudi: ut quem non electione meriti sed dono tuae gratiae constituisti operis hujus ministrum; da fiduciam tui muneris exequendi, et ipse in nostro ministerio, quod tuae pietatis est, operare. Per.
Praesta quaesumus Domine huic famulo tuo N. dignum poenitentiae fructum, ut ecclesiae tuae sanctae, a cujus integritate deviarat peccando, admissorum reddatur innoxius veniam consequendo. Per.
Deus humani generis benignissime conditor et misericordissime reformator, qui hominem invidia diaboli ab aeternitate dejectum unici filii tui sanguine 138.1001D| redemisti; vivifica hunc famulum tuum, quem tibi nullatenus mori desideras; et qui non dereliquisti devium, assume correctum. Moveant pietatem tuam quaesumus Domine, hujus famuli tui lacrymosa suspiria. Tu ejus medere vulneribus; tu jacenti manum porrige salutarem, nec ecclesia tua aliqua sui corporis portione vastetur; ne grex tuus detrimentum sustineat, ne de familiae tuae damno inimicus exultet, nec renatum lavacro salutari mors 138.1002A| secunda possideat. Tibi ego Domine, supplices preces, tibi fletum cordis effundimus; tu parce confitenti, ut sic in hac mortalitate peccata sua te adjuvante defleat, qualiter in tremendi judicii die sententiam aeternae damnationis evadat, et nesciat, quod terret in tenebris, quod stridet in flammis; atque ab erroris via ad iter reversis justitiae nequaquam ultra vulneribus saucietur, sed integrum sit ei, atque perpetuum, et quod gratia tua contulit, et quod misericordia reformavit. Per eundem.
Deus infirmitatis humanae singularis praesidium, auxilii tui super infirmum nostrum ostende virtutem, ut ope misericordiae tuae adjutus ecclesiae tuae sanctae representari mereatur. Per.
Domine sancte Pater omnipotens aeterne Deus, 138.1002B| qui benedictionis tuae gratiam aegris infundendo corporibus facturam tuam multiplici pietate custodis, ad invocationem nominis tui benignus assiste, et hunc famulum tuum liberatum ab aegritudine et sanitati donatum dextera tua erigas, virtute confirmes, potestate tuearis, et ecclesiae tuae, sanctisque altaribus tuis cum omni desiderata prosperitate restituas. Per.
Deus misericors, Deus clemens, qui secundum multitudinem miserationum tuarum peccata poenitentium deles, et praeteritorum criminum culpas venia remissionis evacuas, respice super hunc famulum tuum, et remissionem sibi omnium peccatorum suorum tota cordis confessione poscentem deprecatus exaudi.
138.1002C| Renova in eo piissime Pater, quidquid terrena fragilitate corruptum, vel quidquid diabolica fraude violatum est; et in unitate corporis ecclesiae tuae membrorum perfectam remissionem restitue. Miserere Domine gemituum, miserere lacrimarum, et non habentem fiduciam nisi in tua misericordia ad sacramentum reconciliationis admitte. Per.
Majestatem tuam Domine supplices deprecamur, ut huic famulo tuo squalore poenitentiae macerato miserationis tuae veniam largiri digneris: ut nuptiali veste recepta ad regalem mensam, unde ejectus fuerat, mereatur introire. Per.
Absolve Domine animam famuli (ae) tui (ae) per intercessionem beatissimae Dei genitricis Mariae, et 138.1002D| beati Petri, et omnium Sanctorum ab omni vinculo delictorum, antequam separetur a membrorum compagine terrenorum, et praesta ut cum coeperit a corpore separari, mereatur a beatissimis et benignissimis angelis suscipi, atque tuis piissimis conspectibus praesentari, et in sinum beatae requiei te donante deduci. Per.
Si exitus ejus tardior fuerit agenda est ipso domno Abbate vel Priore pronuntiante Letania hoc modo:
Quotation analysis