Migne Patrologia Latina Tomus 138
Ordo de dedicatione ecclesiae (Auctor incertus), J. P. Migne cc_id: cps_2.AucInc.OrDeDeE, cc_idno: 9641
Ordo de dedicatione ecclesiae
138.1015D| Primitus enim, antequam Pontifex introeat in ecclesiam, inluminantur XII. candelae per circuitum ecclesiae, et induunt se vestimentis sacris, et cum venerint ad hostium ecclesiae percutiens terram super liminare de cambuta sua dicit antiphonam: Tollite portas principes vestras, et elevamini portae aeternales. Ps. Dni est terra. Canunt ipsum psalmum totum ante hostium, et aperto hostio intrantes dicunt: Pax huic domui. Deinde incipit clerus Letaniam, et cum venerint Sacerdotes vel Levitae ante altare, prosternunt se super stramenta 138.1016D| usque dicunt Agnus Dei qui tollis peccata, ut autem surrexerint ab oratione, non dicit Pontifex Dominus vobiscum, sed tantum Oremus, et Diaconus Flectamus genua, et postquam oraverint dicit: Levate, et sequitur oratio: Magnificare Dne Deus noster in sanctis tuis, et hoc in templo aedificationis appare, ut qui omnia in filiis adoptionis operaris, ipse semper in tua haereditate lauderis, per. Deinde incipit pontifex de sinistro angulo ab oriente scribens per pavimentum cum cambita sua: a. b. c. durium 138.1017A| usque in dextro angulo orientalis; incipiens iterum similiter de dextro orientalis a. b. c. durium scribens usque in sinistro angulo basilicae occidentalis. Deinde veniens ante altare dicit: Deus in adjutorium meum intende, cum Gloria absque alleluia. Inde benedicit salem et aquam cum cinere mixto, et dicit hanc orationem: Deus, qui ad salutem humani generis, maximaque sacramenta in aquarum substantia condidisti, etc. Ipsa expleta incipit antiph. Introibo ad altare Dei; ad Deum qui laetificat juventutem meam. Ps. Judica me Deus. Ipsa canendo cum ipso psalmo vadit ante altare, et fundit, quod remansit de ipsa aqua ad basem altaris, et extergitur altare de linteo; postea incensum offert, et mittit oleum super altare in medio crucem faciens, et super quatuor angulos altaris 138.1017B| cum antiphona canendo: Erexit Jacobo lapidem in titulum, fundens oleum desuper. Ps. Quam dilecta. totum; et unguet eum manu sua lapide ipso, semper incensum in circuitu ipsius altaris alius sacerdos faciendum. Post expleto psalmo mittit iterum oleum similiter sicut prius canendo antiph. Sanctificavit Dnus tabernaculum suum et firmavit eam super firmam petram. Ps. Deus noster. Ipso psalmo expleto mittit chrysma similiter canendo ant. Ecce odor filii mei sicut odor agri pleni, quem benedixit Dnus Deus. Ps. Fundamenta ejus. Deinde in circuitu ecclesiae per parietes de dextro in sinistro faciens crucem cum pollice de chrysma ipsa; inde faciens crucem incensi super altare; inde dicit: Oremus; et diaconus ut supra dicit hanc orationem super altare: Dei Patris 138.1017C| omnipotentis misericordiam, dilectissimi fratres, deprecemur, ut hoc altare sacrificiis spiritalis consecrandum vocis nostrae exorandus officio praesenti benedictione sanctificet, ut in eo semper oblationes famulorum suorum studio suae devotionis inpositas benedicere et sanctificare dignetur, et spiritale placatus incensum familiae promptus exauditor existat, per. Iterum dicit Oremus: Diaconus ut supra.
SEQUITUR BENEDICTIO. Deus omnipotens, in cujus honorem altare sub invocatione tui consecramus, clemens et propitius preces nostrae humilitatis exaudi, et praesta, ut in hanc mensam sint tibi libamina accepta, sint 138.1017D| grata, sint pinguia, ut Spiritus sancti tui semper rore perfusa; ut omni tempore in hoc loco supplicantis tibi familiae tuae anxietates releves, aegritudines cures, preces exaudias, vota suscipias, desideria confirmes, postulata concedas, per Dnm. Deinde dicit antiphonam: Confirma hoc Deus quod operatus es in nobis a templo sancto tuo, quod est in Hierusalem. cum gloria. Deinde tenentes Subdiac. vel Accoliti linteamina, vel omnia ornamenta ecclesiae, seu 138.1018A| vase sacra quaecunque ad cultum Dei ad ecclesiam pertinere debentur, benedicit Pontifex his verbis.
PRAEFATIO LINTEAMINUM. Dne Deus omnipotens, sicut ab initio hominibus utilia et necessaria creasti, et quae ad modum vestimenta pontificialia sacerdotibus et levitis ornamentaque et linteamina fieri famulo tuo Moysi per quadraginta dies docuisti, sive etiam ea, quae Maria texit et fecit in usum ministerii tabernaculi foederis, sanctificare consecrareque digneris haec linteamina in usum altaris tui, ad tegendum involvendumque corpus et sanguinem filii tui Dni nostri Jesu Christi, qui vivit et regnat Deus in saecula saeculorum. Amen.
ITEM BENEDICTIONES AD OMNIA IN USUM BASILICAE. 138.1018B| Dignare Deus omnipotens, Rex regum et Dominus dominantium, Sacerdos omnium, Pontifex universorum, per quem unacum Patre sanctoque Spiritu facta sunt universa, Christe Jesu benedicere, consecrare et sanctificare digneris vasa haec cum hoc altare, linteaminibus, caeterisque vasis; et quemadmodum sanctificasti officia tabernaculi testimonii olim cum archa oracula Cherubin alosis (alatis) velis, columnas, candelabra, altare argenteis basibus, tabulis deauratis, holocaustis, hostiis, aereo altare cum aeneis vasis, tentoriis, funibus, oleum unctionis, et caeteris aliis in figuram nostri, per manus sanctorum sanctificasti Sacerdotum; ita nunc manens 138.1018C| in aeternum summe Sacerdos sacerdotum secundum ordinem Melchisedech, ut diximus, patenam hanc, et calicem hunc, et omnia instrumenta altaris hujus Ecclesiae seu basilicae, quae inter nostras palmas habentur, corde precamur, ut benedicas, purifices, consecres, et consummes, quibus inter nos et aeternam unitatem in supremo meatu sine fine constare credimus, per.
Deinde vadunt ad locum, in quo reliquiae praeterita nocte cum vigiliis fuerunt, et elevantes eas cum feretro cum honore et laudes decantando, cum crucibus et turibulis et luminibus multis, venientes ante altare extenso velo inter eos et populum; recondit ipse pontifex manu sua ipsas reliquias in locum altaris, canentes: Exultabunt Sancti in gloria, laetabuntur in cubilibus 138.1018D| suis. cum psalmo: Cantate Dno, laus. Inde vero revertitur pontifex in sacrario cum ordinibus sacris, et induunt se vestimentis aliis sollempnibus, et interim vestiuntur altare vel ecclesia, et accenduntur luminaria. Post haec omnia tunc incipiunt antiph. ad Introitum, ant. Terribilis est locus iste; hic domus Dei est et porta coeli, et vocabitur aula Dei. cum psalmo et Gloria. Interea procedit pontifex de sacrario cum ordinibus suis sicut consuetudo est.
ORATIO AD MISSAM. 138.1019A| Deus qui sacrandorum tibi auctor es munerum, effunde super hanc orationis domum benedictionem tuam, ut ab omnibus invocantibus nomen tuum defensionis auxilium sentiatur, per Dnm. Sequitur lectio. Grad. Locus iste a Deo factus est. V\ All. Adorabo ad templum sanctum tuum. Sequitur Evang. secundum. Offert. Dne Deus in simplicitate. V\ Super oblatam.
Omnipotens sempiterne Deus, effunde super hunc locum gratiam tuam, et ab omnibus te invocantibus auxilii tui munus ostende, ut horum Sacramentorum virtus omnium fidelium corda confirmet.
Praefatio. VD. Per Christum Dnm nostrum, per quem te supplices deprecamur, ut altare hoc sanctis 138.1019B| usibus praeparatum coelesti dedicatione sanctifices, et sicut Melchisedech sacerdotis praecipue oblationem dignatione mirabili suscepisti, ita inposita nova huic altari munera super accepta ferre digneris; ut populus tuus in hac ecclesiae tuae domo sancta convertens per haec pura libamina coelesti sanctificatione salvatus, animarum quoque suarum salutem perpetuam gratiam consequantur. Per quem.
INFRA ACTIONEM. Hanc igitur oblationem famuli vel famulae tuae ill. vel illius, quam tibi in hujus templi sanctificatione offerunt immolandam, quaesumus Dne, dignanter intende, ut aulam, quam beati martyris tui illius meritis aequiparare non potuit, tuae charitatis vultus inlustret, fiatque tua propitiatione tuis sacris sanctisque 138.1019C| digna mysteriis; sit aeternae lucis habitaculum temporale, nihil hic mundanae sordes obscuritatesque possideant, ut veniens hic populus tuus suae consequatur orationis effectum, dignumque locum hunc tuae sentiat majestati, dum ante postulata fuerit consecutus, sitque aedificantibus imperatio delictorum, dum a te non pro sui operis quantitate, sed pro offerentum fuerit devotione suscepta. Diesque nostros.
AD COMPLENDUM. Copiosa beneficia, quaesumus Dne, christianus populus adsequatur, ut qui in honore sanctorum sacrandis tibi liminibus devotus occurrit, et vitae subsidia praesentis accipiat, et gratiam sempiternae redemptionis inveniat, per.
DENUNTIATIO CUM RELIQUIAE SANCTORUM MARTYRUM PONENDAE SUNT. 138.1019D| Dilectissimi fratres! Inter caetera virtutum sollempnia, quae ad gloriam pertinent Christi Dni nostri, hoc quoque suis praestitit Martyribus, qui pro nominis ejus confessione morte suscepta coelestia praemia meruerunt, ut fidelium votis eorum praeclaris reliquiis conlocatis integritas sancti corporis esse credatur; et ideo monemus dilectionem vestram, quoniam illa feria, illo loco reliquiae sancti illius martyris conlocandae sunt, quaesumus, ut vestram praesentiam nobis monentibus non negetis.
INCIPIT ORDO 138.1020A| QUOMODO IN SANCTA ROMANA ECCLESIA RELIQUIAE CONDUNTUR. Primum vadit Episcopus in ecclesiam, ubi reliquiae sunt positae, et facit letaniam, et dat orationem hanc:
Aufer a nobis Dne iniquitates nostras, ut ad Sancta sanctorum puris mereamur mentibus introire. Per. Postea ponit reliquias in patena, et porrigit eas presbytero in ulnas suas super sindonem, quam habet in collo ligatam, et cooperit ipsas, et exeunt psallendo antiph: Cum jocunditate exibitis. Et pergit Episcopus in ecclesia nova ubi recludi debent reliquiae, et intrant in ecclesiam cum eo ministri duo vel tres, et claudet hostium ecclesiae, et facit aquam exorcizatam, et dicit orationem hanc:
138.1020B| Oremus.
Deus qui ad salutem humani generis maxima quaeque Sacramenta in aquarum substantia condidisti, etc. Et mittit in ea chrisma, et condit ex ipsa aqua calce, et facit maldam, unde reclaudere debet ipsas reliquias; et baptizat ipsum altare de ipsa aqua cum spongia una vice; deinde dicit scola letaniam; ipsa completa egreditur Episcopus, et dat orationem ante hostium.
Deus qui in omni loco tuae dominationis dedicator adsistis; exaudi nos quaesumus, ut inviolabilis hujus permaneat consecratio, ut beneficia tui muneris universitas, quae subplicat, mereatur; per.
Ipsa finita suscipit ipsas reliquias a presbytero, et portat eas cum letania ad altare intus in ecclesia, 138.1020C| et ponit super altare novo; et antequam recludantur, ponit chrysma intus in confessione per angulos quatuor in cruce intra dicendo: In nomine Patris et Filii et Spiritus sancti pax tibi. R\. Et cum spiritu tuo. Deinde ponit tres portiones corporis Dni intus in confessione, et tres de incenso, et recluduntur reliquiae intus in confessione, et dum recluduntur, canunt antiph: Sub altare Domini sedes accepistis; intercedite pro nobis, per quem meruistis. Et ponit tabulam, et dat orationem hanc:
¶ Oremus. Deus qui ex omni coaptatione Sanctorum aeternum tibi condis habitaculum, da aedificationis tuae incrementa coelestia, ut quorum hic reliquias pio amore complectimur, eorum semper meritis adjuvemur, per.
138.1020D| Deinde linit eam calce, quae antea fuerat praeparata; et postquam fuerit linita, facit desuper cum chrysma dicendo ut supra, et facit crucem similiter cum chrysma, et per quatuor angulos altaris desuper dicendo ut supra; et tunc velat altare, et dat orationem hanc:
Oremus.
Descendat, quaesumus Dne Deus noster, Spiritus sanctus tuus super hoc altare, qui et populi tui dona sanctificet, et sumentium corda emundet. Per. Et tunc conspargit aquam cum hysopo per totam ecclesiam; ipsam namque tabulam, quam super reliquias 138.1021A| ponit, debet antea confirmare cum chrysma faciens, crucem dicendo ut supra. Hoc peracto canit scola antiph. ad Introitum, et post Kyrie eleis. dicitur Gloria in excelsis Deo, et conpletur Missa ordine suo, et postea ebdomada Missa publica in ipsa ecclesia celebretur usquedum octo dies completi sunt.
AD PATENAM CONSECRANDAM Consecramus et sanctificamus hanc patenam ad conficiendum in ea Corpus Dni nri Jesu Christi, facientes crucem pro salute nostrorum omnium, qui cum Patre et Spiritu sancto vivit et regnat Deus per cuncta saecula saeculorum, amen. Deinde facis signum crucis de oleo super ipsam patenam:
Consecrare et sanctificare digneris Dne patenam per istam unctionem, et nostram benedictionem in 138.1021B| Christo Jesu Dno nro, qui vivit et regnat in saecula saeculorum, amen.
AD CALICEM BENEDICENDUM. Oremus dilectissimi fratres, ut Dnus Deus noster calicem suum in ministerio consecrandum coelestis gratiae inspiratione sanctificet, ut ad humanam benedictionem plenitudinem divini favoris accommodet, per.
Alia. Dignare Dne calicem istum in usum mysterii tui, pia famuli tui devotione formatum, ea sanctificatione perfundere, qua Melchisedech famuli tui sacramentum calicem perfudisti; et quod arte vel metallo officii (effici) non potest, altaribus tuis dignum fiat tua benedictione pretiosum.
PRAEFATIO CHRYSMALIS. 138.1021C| Oremus dilectissimi fratres! ut Deus omnipotens hoc ministerium Corporis Filii tui Dni nri Jesu Christi gerulum, benedictionis, sanctificationis tutamine, defensionis donationis implere dignetur orantibus nobis, per.
Alia. Omnipotens sempiterne Deus, Trinitas inseparabilis, manibus nostris opem tuae benedictionis infunde, ut per nostram benedictionem hoc vasculum sanctificetur, et corporis Christi novum sepulchrum Spiritus sancti gratia perficiatur, per.
AD TABULAS BENEDICENDUM. Singulare illud repropitiatorium, quod se in altare 138.1022A| crucis nobis redimendis obtulit immolandum; cujus praefiguratio patriarcha Jacob lapidem erexit in titulum, quo fieret sacrificium, et portae coeli desuper aperiretur oraculum; suppliciter tibi Dne preces fundimus, ut metallis hujus expoliata materia supernis sacrificiis imbuenda, ipse suae dotare sanctificationis ubertate praecipiat, qui quondam lapideas legem scripsit in tabulas per Dnm.
Alia. Deus omnipotens, universarum rerum rationabilis artifex, creaturas formam lapideae metalli ad obsequium tui sacrificii condidisti, ut legis libaturi tuo pareretur altari, annue dignanter hujus institutor mysterii ut quotquot hic oblatum sacrum fuerit, nomini tuo adsurgat, religione proficiat, spei initur fidei sit honore, 138.1022B| per.
Item alia. Dne sancte Pater omnipotens aeterne Deus, clemens et propitius preces nostrae humilitatis exaudi, et respice ad hoc altaris tui holocaustum, quod tam igne probatur, sed infusam sancti Spiritus tui gratiam in honorem tuae suavitatis accendat, ut accipientibus ac sumentibus nobis legitimum permaneat, eucharistiaque erigat in visceribus nris, et vitam concedat aeternam.
PRAEFATIO. VD. Dne sancte Pater omnipotens aeterne Deus, qui post offendiculam lapsus primi hominis instituisti tibi propitiatorii deliniamenta libaminis, ut culpa, quae praecesserat, futuris temporibus expiaretur pro munere, quibus ornarentur altaria, honorificatur 138.1022C| et templum, quod tibi primus Noe praeparavit officio, rursus instruxit Habraam immolaturus filium; dehinc electus Jacob erexit et unxit in titulo; adsit redemptoris mundi pietas et expiata ut lapides sanctificandi mysterium, qui penetrabilis et lapis angularis est, consecrare digneris benedictionis inlapsum et hic in aereas placitus majestas aeternales obtuto, et quicquid sacrum ritu super hoc immolatur sicut Melchisedech oblatum placeat tibi hoc holocaustum, et reportet per hoc praemium quicquid intulerit votum, sacrificare, benedicere, consecrareque digneris, tu et pro manibus 138.1023A| nostris opem tuae benedictionis infunde, qui te angularem lapidem et saxum sine manibus excisum nominare ipse voluisti; tu lapides istos divinis cultibus apparatos benedic atque sanctifica, et sacri hujus mysterii sicut institutor, ita etiam sanctificator appare, per Dnm.
BENEDICTIO CRUCIS. Sanctifica Dne signaculum passionis tuae istud, ut sit inimicis tuis obstaculum, et credentibus in te efficiatur vexillum, per.
Rogamus te Dne sancte Pater omnipotens aeterne Deus, ut digneris benedicere hoc lignum crucis tuae, ut sit remedium salutare generi humano, sit soliditas fidei, profectuum (profectus P. R.) bonorum operum, redemptio animarum, protectio ac tutela 138.1023B| contra saeva jacula inimicorum, per.
Omnipotens sempiterne Deus, cujus sanctum et terribile nomen inter caeteras visibiles creaturas ligna quoque fructifera laudare ac benedicere non cessant, qui in figuram unigeniti sapientiae tuae ligno vitae a principio paradisum voluptatis ornasti, ut ejusdem fructu sacrosancto mysterio protoplausto parentis nostri generis mortem cavere, et vitam ammoneris custodire perpetuam; qui nos vetitae arboris adtactu vitae mortem aditus, ejusdem coaeternae tibi sapientiae tuae Dei et Dni nri Jesu Christi innoxia mortem ad vitam misericorditer revocare dignatus es, te supplices deprecamur, ut hoc singulare signum, quod ad exemplum primi illius sacratissimi vexilli pretioso Filii tui sanguine triumphalis 138.1023C| famulus tuus ill. devotus erexit, coeleste hic tua benedictione sanctificare digneris; ut omnibus hic genuflectentibus, ac tuae supplicantibus Majestati, largior et cordis compunctio, et indulgentia concedatur admissorum; atque intercedente ipsa victoriosissima Filii tui passione et tibi placita postulare, et citius valeant postulata percipere. Da quaesumus clementissime Pater, in quo vivimus, movemur et sumus, ut quotiens triumphum divinae humilitatis, quae superbiam hostis nostri dejecit, oculis intuemur, quotiens mente recolimus, et contra hostem ipsum fiduciam fortitudinis, et majorem tibi devotae humilitatis gratiam consequamur, quatenus in illo tremendae tuae Majestatis examine cum 138.1023D| paventibus elementis, coelorumque commotis virtutibus, signum illud glorificum redemptionis nostrae paruerit in coelo, ipsi de morte ad vitam transire, ac perpetua beatae resurrectionis gaudia videre mereamur, per.
AD BENEDICENDUM ORNAMENTA PONTIFICALIA. (Ex ms. Rhenaug. saec. XI.)
Ad Cambagos.
Totius honestatis auctor omnipotens Deus! ad reprimendas antiqui hostis insidias per nostre humilitatis mysterium jube sanctificari caligas istas, ut et in ingressu earum resplendeat evangelii veritas, et 138.1024A| in mente fidei exerceatur integritas. Per Christum Dominum nostrum.
Ad pedules bened.
Benedic Dne Jesu Christe hec calciamenta justitie, que Johanes vidit vestitus podere, ut quicunque ex hiis vestitus fuerit, valeat aliis praebere bonum exemplum, et tibi omni tempore cum timore servire. Qui vivis.
Ad cyrothecas.
Immensam clemenciam tuam omnipotens et piissime Deus humiliter rogamus: ut manus famulorum tuorum sicut exterius obducuntur manicis istis! sic interius aspergantur rore tue Benedictionis, ut quecunque per eas sint benedicenda 138.1024B| vel consecranda, per te bene+dicantur, et conse+crentur. Per eundem Dnm nrm Jesum Christum filium tuum, etc.
Ad annulum benedictio . . .
Deus totius creature principium et finis in quo clausa sunt omnia hunc Annulum benedicere + et sanctifi+care dignere, ut qui per eum famulo tuo honoris insignia concedis, virtutem et premia largiaris! quibus et discretionis habitum semper retineat, et vere fidei fulgore prefulgeat, sancte Trinitatis quoque armatus munimine miles, in expugnabilem aciem dyaboli constanter evincat. Per Christum Dnm nrm.
Ad Baculum . . . . .
138.1024C| Omnipotens et misericors Dominus! qui in effabili bonitate votis supplicancium assistis? quique ex tue pietatis habundancia affectum petendi tribuis? huic baculo, quem ad pastoralis officii signum in tuo nomine dedicamus, tue benedictionis vim copiose infunde, ut eo pastor insignitus sic sollicite custodiat, quatenus ab unitate ecclesiae nullatenus deviare permittat, sed confractum redintegret, quassatum consolidet, seque una cum grege suo integrum tibi atque immaculatum conservet, ut a te nunquam separetur indignus. Per Christum Dnm nrm.
Ad mitram benedictio . . .
Omnipotens sempiterne Deus, qui veterum figurarum veritas es et finis, benedic hoc typicum priscorum 138.1024D| prm insigne. per cornua Moyses famuli tui utrumque testamentum figurative declarans. Per Christum Dnm nrm.
AD BENEDICENDUM ORNAMENTA PRESPITERALIA. Casulam, dalmaticam et subtile . . ..
Omnipotens sempiterne Deus, qui per Moysen famulum tuum pontificalia, etc.
Ad mappas benedictio . . .
Dne Deus omnipotens, qui ab inicio, etc.
Ad albas, stolas, manipulos, cingulos et amictus.
Deus invicte virtutis auctor et omnium rerum creator, etc.
138.1025A| Item alibi ad id.
Dne Deus Pater omnipotens Rex et magnificus triumphator, qui per sanctos patres nostros, qui tibi in sacerdotali ordine placuerunt, diversi generis ornamenta et vestimenta sacerdotalia fieri, et in his sacerdotes tibi servientes ornare jussisti, exaudi propicius orationem nostram, ut hanc albam, hanc casulam, stolam, planetam seu poderem, ac cingulum, orariosque dextra tua sancta bene+dicere, conse+crare sancti+ficare et puri+ficare digneris, quatenus hoc vestimentum ministris tuis levitis atque sacerdotibus ad divinum cultum ornandum explendumque proficiant, sanctisque altaribus tuis munde et ornate in hac sacra veste ministraturi irreprehensibile in actu et vita interius exteriusque 138.1025B| appareant, tibique soli Deo puro corde et mundo corpore placere, omnibus diebus vite sue irreprehensibiliter sanctorum patrum exempla sequentes servire valeant, hisque sacris ministeriis secundum tuam voluntatem, qn tibi placuerit, expletis coelestis regni gloriam cum omnibus sibi commissis percipere mereantur. Per Dum nrm Jesum Christum, etc.
Ad casulam.
Deus fons pietatis et justicie, qui tui operis ministros ad extremum vestimento casule, cujus munimine omnia tegerentur vestiri sanxisti; concede peticionibus nostris, ut omnes hac planeta induti, enumeratis intus omnium virtutum ornamentis vinculum pacifice caritatis super omnia habeant, quo 138.1025C| perficere, que desiderant, te prestante, valeant. Per Christum Dnm.
Ad corporalia.
Clementissime Dne, cujus inenarrabilis virtus, cujus misteria archanis mirabilibus celebrantur; tribue quesumus, ut lintheamina tue propiciacionis benedictione sancti+ficentur ad consecrandum super illa Corpus Dni Jesu Christi, qui tecum vivit et regnat, etc.
Item alia benedictio ad idem.
Omnipotens sempiterne Deus, benedic lintheamina ista ad tegendum involvendumque corpus et sanguinem Dni nri Jesu Christi, qui tecum, etc.
Benedictio patene, calicis et aliorum vasorum ecclesiae. . .
138.1025D| Consecra+mus Dne et sancti+ficamus hanc patenam ad confrigendum in ea corpus Dni nostri Jesu Christi pacientis crucem pro salute omnium nrm, qui cum Patre et Spiritu sancto, etc.
Item alia ad idem.
Omnipotens sempiterne Deus, qui legalium institutor es hostiarum, quique inter eas conspersam similaginem deferri in patenis aureis et argenteis ad altare tuum jussisti, bene+dicere et sancti+ficare digneris hanc patenam in amministracionem eukaristie 138.1026A| Jesu Christi filii tui Dni nri, qui pro nostra omniumque salute tibi Deo patri in patibulo crucis elegit immolari, qui tecum vivit et regnat, etc. Hic faciat crucem cum crismate super patenam trahens pollicem ex adverso in longum et in latum et dicat: Consecra+re, et sancti+ficare digneris Dne patenam hanc per istam unctionem et per nram benedictionem in Christo Jesu Dno nostro, qui tecum.
Ad calicem.
Pax tecum. Et cum spiritu tuo. Oremus dilectissimi fratres? ut Deus et Dnus noster Jesus Christus calicem hunc in usum sui ministerii consecrandum celestis gratie inspiracione sancti+ficet ut humanam benedictionem plenitudinem divini favoris accomodet, qui vivit.
138.1026B| Item alia benedictio.
Dignare Domine Calicem istum benedi+cere in usum ministerii tui et pia famulatus devocione formatum ea sanctifi+cacione perfunde qua Melchisedech famuli tui sacratum calicem perfudisti? et quod arte vel metalli officio est compositum altaribus tuis dignum fiat tua benedictione sanctificatum per Christum Dnm nostrum. Hic faciat crucem cum crismate infra concavum trahens pollicem ex adverso in longum et latum et dicat: Conse+crare et sancti+ficare digneris Dne calicem hunc per istam unctionem et nostram benedictionem in Christo Jesu Dno nostro, qui tecum.
Benedictio super calicem jam consecratum.
Omnipotens sempiterne Deus, manibus nostris 138.1026C| quaesumus opem tue benedictionis infunde; ut per nostram benedictionem hoc vasculum sanctificetur, et corporis et sanguinis Dni nri Jesu Christi novum sepulchrum Spiritus sancti gratia perficiatur. Per Christum Dnm. Et tunc aspergat patenam et calicem cum aqua benedicta, et dicat: In nomine Pa+tris, et Fi+lii, et Spiritus+sancti benedictus sit.
Ad vasculum Eukaristie.
Oremus karissimi fratres, ut Deus omnipotens hoc vasculum corporis Filii sui Dni nostri Jesu Christi gerulum sue benedictionis tutamine Filiique sui Dni nostri munere ac Spiritus sancti virtute implere dignetur per Christum Dnm nostrum. Hac oratione dicta aspergatur vasculum aqua benedicta, et dicatur: 138.1026D| In nomine Patris et Fil. ut supra.
Benedictio vexillorum et ymaginum.
Omnipotens sempiterne Deus, qui es cunctorum benedictio, et tryumphancium fortitudo, respice propicius ad preces humilitatis nostre, et hoc vexillum, quod bellico usui praeparatum est, celesti benedictione sancti+fica, ut contra adversarias et rebelles naciones sit validum, tuoque munimine circumseptum. Sitque inimicis christiani populi terribile, atque in te confidentibus solidamentum, et victorie certa fiducia. Tu es enim Deus, qui conteris 138.1027A| bella, et celeste presidium in te sperantibus semper addis securum et optatum. Per Dnm nrm.
Ad ymagines benedictio.
Quesumus omnipotens Deus indefectivam clemenciam tuam, ut hoc instrumentum Sanctorum tuorum honorificum dextra Majestatis tue dignanter extensa, misericors et placidus bene+dicas, ut quicunque illorum patrocinia, vel quo minus expectentes, vel eminus recolentes, pietati tue fideli devocione de quacunque necessitate supplicaverint, optata consolacione ac juvamine pociantur, per Dnm nrm.
Benedictio linteaminum, vestium et vasorum sacrorum.
(Ex cod. Vindob. theol. 359.)
Deinde tenent Subdiaconi vel Acoliti linteamina 138.1027B| vel omnia ornamenta ecclesiae seu vasa sacra, quaecunque ad cultum Dei et ecclesiae pertinere videntur, et benedicat ea pontifex juxta hunc morem.
Benedictio corporalis.
Oremus. Omnipotens sempiterne Deus, benedic linteamen istud ad tegendum et involvendum corpus et sanguinem Filii tui nri Ihu Xpi. Qui tecum .
Benedictio linteaminum.
Domine Deus omnipotens, qui ab initio hominibus utilia et necessaria creasti vestimenta quoque pontificalia sacerdotibus et levitis tuis et ornamenta et lintamina facere famulum tuum Moysen per quadraginta dies docuisti, sive etiam ea quae Maria texuit, et fecit in usum altaris tui ad tegendum involvendumque 138.1027C| corpus et sanguinem Filii tui Dni nri Ihu Xpi. Qui tecum vivit et regnat.
Item benedictio ad linteamen. .
Exaudi Domine preces nostras, et hoc linteamen sacri ministerii usui praeparatum benedicere et sanctificare digneris. Per.
Item benedict. ad linteamina et ad omnia vasa et instrumenta in usum ecclesiae.
Omnipotens sempiterne Deus Rex regum et Dominus 138.1028A| dominantium, sacerdos omnium pontifex universorum, per quem unacum Patre sanctoque Spiritu facta sunt universa, Christe Jesu benedicere, consecrare, et sanctificare digneris vasa haec cum his altaris linteaminibus caeterisque cunctis. Et quemadmodum officia tabernaculi testimonii olim cum arca oraculi, scilicet Cherubim clausa velis, columnas, candelabra, altare aureum, argenteas bases, tabulas deauratas, holocausta, hostias, aeneum altare cum basibus aeneis, tentoria, funes, oleum unctionis, et caetera in figuram nostri temporis per manus sanctorum sanctificasti Sacerdotum; ita nunc manens in aeternum sume sacerdos Sacerdotum secundum ordinem Melchisedech, vasa haec et omnia instrumenta altaris hujus ecclesiae, 138.1028B| quae inter nostras palmas habentur, benedicas, purifices, consecres, et consummes, quibus inter nos, et aeternam unitatem in supremo meatu sine fine constare credimus. Per te Jesu Christe qui Patre in unitate ejusdem Spiritus sancti Deus.
Item benedictio vestimentorum sacerdotalium, sive leviticorum, atque sequentis ordinis ministrantium.
Omnipotens Deus, qui per Moysen famulum tuum pontificalia atque levitica vestimenta ad explendum in conspectu tuo ministerium eorum, et ad decorem seu laudem nominis tui fieri decrevisti; adesto propitius invocationibus nostris, et haec indumenta sacerdotalia famuli et sacerdotis tui desuper gratia tua irrigante, tua ingenti benedictione per nostrae 138.1028C| humilitatis servitutem purificare benedicere et consecrare digneris, ut divinis cultibus et sacris ministeriis apta et benedicta existant. His quoque sacris vestibus sacerdotali vel levitae tui induti, defensi ab omnibus inpulsionibus seu temptationibus malignorum spirituum esse mereantur, tuisque eos ministeriis apte et condigne servire et inhaerere, in hisque placide et devote tribue perseverare. Per.
138.1029A| Bened. ad albas, planetas, stolas, et cingulos benedicendos.
Domine Deus Pater omnipotens rex et magnificus triumphator, qui per sanctos patres nostros, qui tibi in sacerdotali ordine placuerunt, diversi generis ornamenta et vestimenta sacerdotalia fieri, et his ornari sacerdotes tibi servientes jussisti, exaudi propitius orationem nostram et hanc planetam famuli tui N. seu poderem ac cingulum, orariumque dextera tua sancta benedicere, sanctificareque, et purificare digneris, quatenus haec vestimenta ministris tuis levitis ac sacerdotibus ad divinum cultum ornandum explendumque proficiant, sanctisque altaribus tuis munde et ornate in his sacris vestibus ministraturi, inreprehensibilis in actu et victu interius, exteriusque 138.1029B| appareant, tibique soli Deo puro corde et mundo corpore omnibus diebus vitae suae inreprehensibiliter sanctorum patrum exempla sequentes servire valeant, hisque sacris ministeriis secundum tuam voluntatem, quando tibi placuerit, expletis, coelestis regni gloriam cum omnibus sibi commissis percipere mereantur. Per.
Benedictio stolarum.
Domine Deus omnipotens, qui ab initio hominibus utilia et necessaria creasti, et vestimenta pontificalia aliaque ornamenta et linteamina sacerdotibus ac levitis in usum tabernaculi foederis fieri Moysi famulo tuo jussisti, eumque Spiritu sapientiae ad id peragendum replesti, hoc ornamentum in usum ministerii tui sanctificare, benedicere, et consecrare, 138.1029C| atque ministros altaris tui qui illud portaverint septiformis Spiritu sancto dignanter replere digneris, atque castitatis stola et indumento laetitiae sempiternae et beata facias, cum bonorum operum fructu ministeriis congruenti, immortalitate vestiri. Per.
Praefatio Eucharistialis, id est vasculi, in quo Eucharistia reconditur.
Oremus dilectissimi fratres, ut Deus omnipotens hoc vasculum corporis Filii sui Dni nri Ihu Xpi gerulum suae benedictionis tutamine suique Filii Domini nostri munere, ac sancti Spiritus virtute implere dignetur.
Sequitur benedictio.
Oremus. Omnipotens Deus Trinitas inseparabilis, 138.1029D| manibus nostris opem tuae benedictionis infunde, ut per nostram benedictionem hoc vasculum sanctificetur, et corporis Christi novum sepulchrum sancti Spiritus gratia perficiat. Per.
Praefatio ad patenam consecrandam.
Oremus fratres kmi ut divinae gratiae benedictio consecret et sanctificet hanc patenam ad conficiendum in ea corpus Dni nri Ihu Xpi patientis crucem 138.1030A| pro salute omnium nostrum. Qui cum Patre.
Alia. Consecramus et sanctificamus hanc patenam ad conficiendum in ea corpus Dni nri Ihu Xpi patientis crucem pro salute omnium nostrum. Qui cum Patr. Inde faciat signum crucis de chrismate sancto super patenam et dicat. Consecrare et sanctificare digneris Domine patenam hanc per istam sanctam benedictionem in Xpo Ihu Dno nro. Qui vivit et regnat.
Praefatio calicis.
Oremus dilectissimi fratres, ut Deus et Dominus noster hunc calicem in usum ministerii sui consecrandum coelesti gratiae inspiratione sanctificet et ei ad humanam benedictionem plenitudinem divini favoris accommodet.
138.1030B| Sequitur benedictio.
Dignare Domine calicem istum in usum ministerii tui pia famuli tui devotione formatum ea sanctificatione perfundere, qua Melchisedech famuli tui sacratum calicem perfudisti, et quod arte vel metalli officio non potest altaribus tuis esse dignum, tua fiat benedictione pretiosum, atque sanctificatum. Per. Et faciat crucem de chrismate, super ipsum calicem. Omnipotens, etc..
Benedictio Crucis. (Ex utroque.)
Primitus fiat benedictio salis et aquae. Deinde sequatur benedictio crucis. Benedic Dne, etc. Alia. Rogamus, etc. Per omnia saecula saeculorum. Dnus vobiscum. Et cum spiritu tuo. VD. aeterne Deus. 138.1030C| Cujus sanctum, etc.
Alia. (Ex ms. Th. 277.)
Rogamus te Domine suppliciter invocantes ut signum istud sanctae Crucis sit salus credentibus in te per passionem crucis tuae, et per signum sanctitatis tuae, signum sit Dei vivi, signum salutis, signum beatae Trinitatis, signum coelestis gloriae, signum Salvatoris Jesu Christi Dni nostri. Haec est crux Salvatoris Christi, crux patriarcharum, crux prophetarum, crux apostolorum sanctorum, crux martyrum Christi, crux Ecclesiae Dei, crux omnium credentium in sanctam et perfectam Trinitatem. Per.
Alia. Te Domine quaesumus, qui das animabus salutem per signum crucis tuae, ut in locis ac domibus, 138.1030D| ubi crux ista fixa maneat, fugentur daemones, et immundi spiritus, ac pestifer pellatur inimicus, morbisque careant, et immunditiis, ac omnes adversae potestates, cognitione tua, sint procul depulsae, et virtute tuae benedictionis sit benedicta haec crux et sanctificata, et mundata dignanter, ut in quocunque loco maneat, in tuo nomine omnes terrores meridiani et nocturni, et omnes terrores 138.1031A| livoresque serpentis excludantur, abscedantque insidiae latentis inimici, et fantasmata pereant. Per. Alia. Deus qui beatae crucis, etc.
Alia. Sanctifica Dne, etc. Hic aspergat eam aqua sancta, addens odorem incensi dicens Sanctificetur, etc. Benedictio crucis metallizatae. Deus gloriae excelsae sabaoth, etc..
Benedictio thuribuli.
Domine Deus, qui dum filios Israel ob rebellem sui contumaciam durum vastaret incendium, Aaron sacerdotem tuum inter vivos ac mortuos orando stantem tibique incensum offerentem exaudire dignatus es, populumque de incendio liberare, benedic hoc quaesumus thuribulum, et praesta, ut quotiens tibi in eo offerimus incensum, nos ipso Christo tuo efficias 138.1031B| boni odoris acceptabile templum. Qui cum Deo.
Alia (ex cod. Vind. th. 277, saec. XII vel XIII).
Domine sancte Pater omnipotens aeterne Deus, qui in deserto profanae multitudinis murmurationem, flamma multante, cum Aaron sacerdos tuus repleto de altaris igne thuribulo tuae majestati pro illius liberatione humiliter supplicaret, incenso placatus precibusque ejus clementer annuisti, benedic hoc quaesumus thuribulum tua majestate, et praesta, ut quod in eo tibi offertur incensum sit fuga daemonum, repulsio fantasmatum, inmundarum abscessio cogitationum, sitque in illius odore nostra tibi oratio semper accepta. Per.
Benedictio incensi vel thimiamatis. (ex cod. biblioth. Caesar. theol. 359.)
138.1031C| Deus omnipotens Deus Abraham, Deus Isaac, Deus Jacob, immitte in hanc creaturam incensi, vel thimiamatis, vim odoris tui, atque virtutem, ut sit servia vel ancillis tuis munimentum, tutelaque defensionis, ne intret hostis in viscera eorum, nec habitum ibi vel sedem possit habere. Per.
Alia Oratio. Deus qui Moysi famulo tuo per Spiritum sanctum revelare dignatus es, quae ad cultum sanctuarii necessaria decrevisti, ex quibus thimiama boni odoris ad opus Ecclesiae tuae ob causam religionis jugiter permanere jussisti, ut mystice nobis significationem spiritualium virtutum fragrans ostenderet odorem suavitatis, tua quaesumus omnipotens Deus immensae majestatis dextera hanc creaturam benedicere ex diversarum rerum commixtione confectam 138.1031D| dignare, ut virtute sancti nominis tui omnesque immundorum spirituum fantasmaticos incursus effugare, omnesque morbos reddita sanitate expellere, ubicumque fumus aromatum ejus afflaverit, mirabiliter possit, atque in odorem fragrantissimum 138.1032A| tibi. Domino perpetua redoleat suavitate. Per Dnm in unitate ejusdem.
Praefatio in consecratione capsarum (pro reliquiis ).
Oremus dilectissimi etc. Consecratio in modum Praefationis. Deus inaestimabilis etc. Alia. Dne Deus omnipotens qui mur. etc. Alia oratio. Dne sancte Pater omnipotens aeterne Deus, qui per unigenitum Filium tuum beatum Paulum apostolum vas electionis appellari voluisti, et ipso evangelizante ac dicente fidelibus vos estis templum Dei vivi, et Spiritus Dei habitat in vobis, omnibus Dni nri Ihu Xpi membris eandem spem concessisti, te humiliter imploramus, ut hanc capsam capiendis sanctorum tuorum membris vel exuviis vel pignoribus artificiose compactam et ornatam, rorem divinae sanctificationis infundas, 138.1032B| et non solum ad illorum praesentiam venientes et ibidem suppliciter exorantes exaudias, sed et quippiam de memoriis eorum pro benedictione reportantes, aut fideliter accipientes, immensae pietatis tuae gratia consolari, refovere, tutari ac remunerare digneris. Per.
Item unde supra in transcursu.
Quaesumus omnipotens Deus indefectivam clementiam tuam, ut hoc instrumentum sanctorum tuorum reliquiis honorificum, dextera majestatis tuae dignanter extensa misericors et placidus benedicas; ut quicunque illorum patrocinia vel comminus exspectantes, vel eminus recolentes pietati tuae fideli devotione de quacunque necessitate supplicaverint, optata citius consolatione ac juvamine 138.1032C| potiantur. Per.
Praefatio ciborii, id est umbraculi altaris.
Oremus fratres dilectissimi Deum rectorem, ac gubernatorem omnium saeculorum, ut inmemor omnium delictorum et facinorum juventutis et ignorantiae, sive praevaricationis meae istud instrumentum ad honorificentiam nominis tui compactum placidus ac misericors illustratione vultus sui benedicere et sanctificare dignetur.
Consecratio.
Omnipotens sempiterne Deus, qui Moysi famulo tuo praecepisti, ut duos Cherubim super arcam testamenti collocaret, quam extensis ad alterutrum alis protegerent, versis vultibus in propitiatorium, quaesumus ineffabilem clementiam tuam, ut hoc tegimen venerandi 138.1032D| altaris tui in quo ipsa unigenitus Filius Dns nr Ihs Xps, qui est propitiatio pro peccatis nostris fidelium manibus immolatur, et sub quo sanctorum tuorum corpora quae veraciter fuerunt archa testamenti tui receptacula videlicet Spiritus sancti per eundem 138.1033A| consubstantialem tibi Filium, qui factus est nobis a te sanctificatio et redemptio in virtute ejusdem Spiritus veritatis universa antiqui hostis falsitate cum satellitibus suis depulsa, cum omnibus ornamentis ad ipsum umbraculum pertinentibus, vel ab illo dependentibus aut eidem suppositis, tua sancta benedictione perfundere et consecrare, atque ad tuitionem pignorum sanctorum, ac roboranda sive multiplicanda vota fidelium tuorum diutino tempore conservare digneris, annuente eodem Dno nro Ihu Xpo Filio ejus. Qui tecum vivit et regnat Deus in unitate ejusdem Spiritus sancti per infinita saecula saeculorum.
Item consecratio minoris itinerarii ciborii. [ Ex cod. th. 277.]
138.1033B| Oremus dilectissimi indulgentiam omnipotentis Dei, ut postpositis humanae fragilitatis admissis consuetae misericordiae tuae munere hoc repositorium sacris usibus praeparatum per unigenitum Verbum, virtutem scilicet et sapientiam suam in Spiritu sanctificationis consecrare dignetur. Per eundem, in unit. ejus.
Consecratio cymiterri (Ex cod. Vind. th. 277, saec. XII vel XIII).
Canantur VII psalmi, et illuminentur IIII candelae.
Deus qui es totius orbis conditor etc. Alia. Omnipotens sempiterne Deus trina majestas et una Deitas, Pater et Filius, nec non Spiritus sanctus, justitiae auctor, veniae largitor, bonorum dator, sanctitatis 138.1033C| origo, carismatum distributor, omniumque venientium pius receptor, praesta propitius ut hoc cymiterium in honore nominis tui compositum benedicere et sanctificare concedas, qui Habrahae beato patriarchae famulo tuo terram a filiis Ebron comparatam 138.1034A| causa sepulturae benedixisti, et qui populo Israhelitico promissionis tellurem in aevo durantem concessisti, famulorum famularumque tuarum corporibus in hoc cymiterium intrantibus quietis sedem ab omni incursione malorum spirituum tutelam benignus largitor tribuas, ut post animarum corporumque resurrectionem coadunatam te donante atque concedente beatitudinem sempiternam percipere mereantur. Alia. Domine Deus pastor aeterne, etc.
Benedictio sepulcri et loculi
Rogamus te Domine sancte Pater omnipotens aeterne Deus, ut digneris benedicere et sanctificare hoc sepulchrum et loculum in eo collocatum, ut sit remedium salutare in eo quiescenti, et redemtio animae ejus, atque tutela et munimen contra saeva 138.1034B| jacula inimici. Per.
Alia. Sanctificetur istud habitaculum Domine Deus per nostram supplicationem, et fugetur ab eo immundus spiritus per virtutem Dni nri Ihu Xpi, placidaque sit requies corporum in eo postmodum quiescentium, te protegente, ac conservante majestate tua Ihu Xpe. Qui cum.
Alia. Adesto Domine supplicationibus nostris, et nihil de nostra conscientia praesumentibus ineffabili miseratione tua nobis succurre, ut quod non habet nostrorum fiducia meritorum, tuorum conferat largitas invicta donorum. Per.
Benedictio tabulae itinerariae.
(Ex utroque theol. 359 et 277.)
Quaesumus omnipotens Deus indefectivam clementiam 138.1034C| etc.
Alia. Deum omnipotentem, fratres dilectissimi, votis exultantibus deprecemur, ut qui per omnem mundum fidem spargit, et ecclesiam congregavit, qui es lapis excisus de monte sine manibus angula 138.1035A| rem compagem solidavit, hanc petram serenus illustret, eamque aeterno lumine irrigatam ita multiplicibus ac diversis carismatibus locupletet, ut super illam administrandam corporis sui hostiam benedicat, et suscipiat consecratam. Qui cum.
Consecratio.
Exaudi nos Deus noster, et precum nostrarum libenter accipe vota, et hoc altare ad celebranda divina mysteria praeparatum odore unguenti coelestis asperge, et aromata illi divinae sanctificationis infunde, et sicut lapidem Jacob patriarchae erectum unguenti perfusione dedicasti, et angelicis visionibus per scalam gradus ecclesiae figurasti, sic super hunc quoque lapidem altari coaptandum coelestis gratiam benedictionis immitte, ut dum tibi super eum sacri 138.1035B| corporis et sanguinis Unigeniti tui mysteria consecrantur, petentibus peccata deleantur, merentibus influat gratia sempiterna. Per. Et accipiens tabulam aspergat eam aqua benedicta, addens odorem incensi, et confirmet eam cum chrismate ita dic. In nomine Patris et Filii et Spiritus sancti. Pax tecum. Et cum Spiritu tuo.
ORDO IN DEDICAT. BAPTISTERII. (Ex cod. Vind. th. 277.)
Omnipotens sempiterne Deus fons, etc.
Consecratio fontis.
Omnipotens sempiterne Deus, hoc baptisterium coelesti visitatione dedicatum Spiritus sancti illustratione sanctifica, ut quoscunque fons iste loturus est trina ablutione purgari indulgentiam omnium 138.1035C| delictorum tuo munere consequantur. Per.
Alia. Multiplica Domine benedictionem tuam, et Spiritus tui munere fidem nostram corrobora, ut qui in haec fluenta descenderunt, in libro vitae ascribi mereantur in regno tibi Deo Patri in resurrectione tradendos. Per.
ORDO IN DEDICATIONE BAPTISTERII. (Ex cod. ms. bibl. Caesar. Vindob. saec. X vel XI, n. 359, olim 351.)
Primitus fiat aqua benedicta cum laetania, deinde dicatur oratio.
Omnipotens sempiterne Deus fons omnium virtutum et plenitudo gratiarum dignare hoc fasculum sacro baptismati praeparatum Majestatis tuae praesentia consecrare; ut qui ubique totus es, etiam hic 138.1035D| adesse te nostris precibus sentiamus. Per. Alia. Propitiare Domine familiae tuae, et benignus humilitatis nostrae vota sanctifica, et omnes in hoc fonte regenerandos universali adoptione custodi. Per.
Tunc aspergat ipsum Baptisterium aqua benedicta, addens odorem incensi. Deinde redeat Pontifex ad ostium Ecclesiae, ubi laetaniae vel laudes circa feretrum 138.1036A| celebrantur, et dicat prae foribus hanc orationem significans ostium et Ecclesiam.
Deus qui sacrandorum tibi auctor es munerum, effunde super hanc orationis domum benedictionem tuam, ut ab omnibus hic invocantibus nomen tuum, defensionis tuae auxilium sentiat. Per.
Et tunc portantes feretrum magno honore cum reliquiis simul et crucibus et luminaribus circumeant Ecclesiam sequente clero has antiphonas vel responsoria psallendo, et populo cum mulieribus et parvulis Kirie eleison decant. A. Ambulate sancti Dei ad locum destinatum qui
A. Surgite sancti de mansionibus vestris, loca sanctificate, plebem benedicite et nos homines peccatores in pace custodite. aevia. 138.1036B| R\. Sancti mei qui in isto saeculo certamen habuistis vobis praeparatus est ab origine mundi. A. Plateae Hierusalem gaudebunt et omnes vici ejus canticum laetitiae dicunt. A. Sancti tui Domine mirabile consecuti sunt iter servientes praeceptis tuis ut invenirentur inlesi in aquis validis terra apparuit arida et in mari rubro viam sine impedimento. V\. Quoniam percussit petram et fluxerunt aquae et torrentes inundaverunt. R\. Tradiderunt corpora sua propter Deum ad supplicia et meruerunt habere coronas perpetuas. V\. Isti sunt qui venerunt ex magna tribulatione et laverunt stolas suas in sanguine agni. Et meruerunt. 138.1036C| mercedem laborum ego reddam vobis. V\. Venite benedicti Patris mei percipite regnum. Mercedem. R\. Exsultabunt sancti in gloria, laetabuntur in cubilibus suis. V\. Justi epulentur et exultent in conspectu Dei et delectentur in laetitia. R\. Fulgebunt justi sicut lilium et sicut rosae Hieriricho ante Dominum. V\. Justi autem in perpetuo vivent, et apud Dominum est merces eorum. Et sicut. His ita per ordinem gestis, cum redierit iterum ad ostium Ecclesiae facto silentio habeat pontifex verbum ad plebem de honore Ecclesiastico, et de decimis, vel oblationibus Ecclesiarum, ac de anniversaria ipsius 138.1036D| Ecclesiae dedicatione. Ipse autem Dominus et constructor ipsius Ecclesiae admoneatur de dote illius, et qualem honorem vel curam Ecclesiae et presbytero exhibere debeat. Illo autem profitente in omnibus ita se agere velle pontifex haec confirmari a Dno postulans, antequam intret Ecclesiam dicat hanc orationem.
138.1037A| Domum tuam quaesumus Domine clementer ingredere, et in tuorum cordibus fidelium perpetuam tibi construe mansionem, et praesta ut domus haec quae tua subsistit dedicatione solemnis, tua fiat habitatione sublimis. Per.
Tunc accipiat Pontifex feretrum cum presbyteris et ingrediendo scola antiph. cant.
Ingredimini benedicti Dei, parata est vobis a Domino habitatio sedis vestrae, sed et populus fidelis cum gaudio insequitur iter nostrum ut oretis pro nobis Majestatem Domini. Cum Respons. Sancti Dei dedit vobis.
A. Benedicta gloria Domini de loco suo aevia. cum vers. Cantate Domino canticum novum, laus ejus in Ecclesia sanctorum. Et cum intraverint extenso 138.1037B| velo inter populum et altare. Pontifex recondat reliquias in altari et presbyteri qui cum eo sunt cantent antiph.
A. Exultabunt sancti in gloria, laetabuntur in cubilibus suis. Cum psalmo. Cantate Domino canticum novum, laus ejus in Ecclesia sanctorum.
Et antequam recludantur reliquiae dicat hanc orationem.
Deus qui omni loco Dominationis tuae clemens ac benignus dedicator assistis. Exaudi nos quaesumus et concede ut inviolabilis hujus loci permaneat consecratio, et beneficia tui muneris universitas sanctae Ecclesiae quae supplicat mereatur. Per.
Hac expleta ponat chrisma in confessionem per 138.1037C| angulos quatuor in crucem dicendo. In nomine Patris et Filii et Spiritus sancti. Pax tecum. Et cum spiritu tuo.
Deinde ponat tres portiones corporis Dni in confessionem, et tres de incenso, et tunc recludantur reliquiae in confessione et dum recludantur canunt antiph. Sub altare Domini sedes accepistis intercedite pro nobis ad Dominum qui vos elegit. Cum psalmo. Exultabunt sancti in gloria, laetabuntur in cubilibus suis.
ORATIO AD DEDICANDUM ALTARE POST IMPOSITAS RELIQUIAS. Deus qui altaria nomini tuo dicanda sanctificas, praesta quaesumus ut quod nostra fragilitas non meretur intercessione beati N. huc Spiritus tui plenitudo 138.1037D| descendat, qui et munera nostra sanctificet, et indulgentiam nobis tuae pietatis obtineat. Per.
Et accipiens tabulam de subtus confirmet eam cum chrismate in crucem ita dicens. In nomine Patris et Filii et Spiritus sancti. Pax tecum. Et cum spiritu tuo. Tunc imponat tabulam super reliquias et det orationem hanc. Deus qui ex omni coaptatione sanctorum 138.1038A| aeternum Majestati tuae condis habitaculum, da aedificationi tuae incrementa coelestia et praesta, ut quorum hic reliquias pio amore complectimur eorum semper meritis adjuvemur. Per.
Tunc lineat eam cum calce quae ante fuerat praeparata, et postquam linita fuerit faciat crucem desuper cum chrismate dicendo. In nomine. Et mittat chrisma per quatuor cornua altaris ipsa suprascripta ubi dicendo et crucem faciendo cant. A. Corpora sanctorum in pace sepulta sunt et vivent nomina eorum in aeternum. Adjung. Gloria Patri. Tunc diaconi vestiant altare et scola dic. antiph. Circumdate Syon levitae altare Domini vestite vestimentis albis estote et vos canentes ymnum novum dicentes benedictus Deus. V\. Mirabilis Deus in sanctis suis. Et gloria 138.1038B| Patri. Alia A. In velamento clamabunt sancti tui Domine aevia, aevia, aevia. Posteaque offerat incensum, versusque dicatur. Omnis terra adoret te Deus et psallat. Preces.
Fundata est domus Domini super verticem montium. Bene fundata est super omnes colles. Dominus in templo sancto suo. Dominus in coelo sedes ejus. Domus mea dicit Dominus, Domus orationis vocabitur. Exultabunt Sancti in gloria. Laetabuntur in cubilibus suis. Exultent justi in conspectu Dei. Et delectentur in laetitia. Pretiosa est in conspectu Domini. Mors Sanctorum ejus. 138.1038C| Exurge Domine adjuva nos. Et libera nos propter nomen tuum. Domine exaudi orationem meam. Et clamor meus. Dns. vobiscum. Et cum Sp. t. Et dicat pontifex orationem hanc. Descendat quaesumus Domine Deus noster Spirituus sanctus super hoc altare, qui et populi tui dona sanctificet, et summentium corda purificet. Per.
Alia. Omnipotens sempiterne Deus altare hoc nomini tuo dicatum, coelestis virtutis benedictione sanctifica, et omnibus in te sperantibus auxilii tui munus ostende, ut hic sacramentorum virtus et votorum obtineatur effectus. Per.
Deinde revertatur pontifex in sacrarium donec ornetur ecclesia, et accendantur luminaria, et incipiat 138.1038D| cantor antiphonam ad Introitum. Terribilis est locus iste. Et procedat pontifex cum ordinibus suis, sicut consuetudo est in festivitatibus, et celebretur solemniter missa sicut sacramentorum libro continetur cum Gloria in excelsis Deo, et postea per totam ebdomadam fiant missae publicae in ipsa ecclesia usque ad dies octo completos.
ORDO AD BENEDICENDUM ECCLESIAE SIGNUM. (Ex cod. ms., bibl. Caesar. Vindob. saec. X vel XI, n. 359, olim 351.) 138.1039A| Imprimis dicitur laetania postea VI. psalmi veniales, Miserere mei Deus secundum. Deus in nomine tuo. Miserere mei Deus miserere mei. Deus misereatur nostri. Deus in adjutorium meum intende. Inclina Domine aurem tuam.
RECONCILIATIO VIOLATAE ECCLESIAE. (Ex cod. Vindob. theol. 277, saec. XII vel XIII.) Primitus veniat episcopus ante ipsam ecclesiam cum clero et populo dicatque hanc orationem.
Omnipotens et misericors Deus, qui sacerdotibus etc. Alia. Aufer a nobis, etc. Tunc intret pontifex in 138.1039B| ecclesiam cum clero et letaniis. His peractis dicit Oremus. Et diaconus: Flectamus genua. Post paululum Levate. Oratio: Deus qui peccati veteris etc. Et benedicat aquam et salem cum vino et cinere mixtam, et circumeat tribus vicibus intrinsecus ecclesiam spargendo et cantando antiph. Asperges me Domine. Ps. Miserere mei Deus. lavando ac purificando loca contaminata et dicat hanc Praefationem. Deum indultorem criminum etc. Consecratio: Deus cujus bonitas etc. Sequitur antiph. Confirma hoc Deus. Ps. Exurgat Deus et dissip. Et antequam recludantur reliquiae dicit pontifex: Oremus. Et diaconus: Flectamus genua. Levate. Sequitur oratio: Deus qui omni loco etc. Tunc reliquiae reponantur. Require caetera in dedicat. ecclesiae. Et cantent. Ant. Confirma hoc Deus 138.1039C| cum versu Narrabo nomen. Et Gloria Patri. Sequitur Deus qui ecclesiam tuam etc.
BENEDICTIO ECCLESIAE NOVAE. (Ex codice Vindobon. theol. 277.) Deus qui super mysticam petram apostolicae dignitatis 138.1040A| aedificatae principaliter ecclesiae tuae portas inferni numquam praevalituras esse promisisti, cunctos ab eadem remove placatus errores, ut quod adversus eam praesumtio falsitatis extollit, Spiritus veritatis evincat. Dirige quaesumus eam dispensatione coelesti, ut quae ante mundi principium in tua semper est praesentia praeparata, usque ad plenitudinem gloriamque promissam te moderante permaneat, et in tuorum cordibus fidelium perpetuam tibi construe mansionem, ut plebs haec quae dejecto in terram vultu benedictionis tuae postulat domum aeternum a te percipiat praemium. Praesta quaesumus Domine, ut haec basilica, cujus hodie nunciamus incenia, quae tua dedicatione subsistit solemnis, tua semper fiat habitatione praeclara. Per.
BENEDICTIO SUPER MUNUS, QUOD QUIS ECCLESIAE OFFERT HONORI. [ Ex eodem. ] 138.1040B| Deus cujus verbo et potentia facta sunt omnia cujus dono percepimus, quae ad vitae remedium possidemus, te supplices obnixis precibus exoramus, ut de sede majestatis tuae huic oblationi fidelium sanctificator accedas, suscipe de manu famulorum tuorum munus oblatum, quod a tua clementia benedictum in usum hujus sanctuarii maneat consecratum. Sint haec in conspectu tuo libenter accepta, sicut quondam Abel alumni tui, vel Melchisedech munera tibi placuerunt oblata, et quia ad honorem tui amoris ecclesiam tuam summis nituntur decorare obsequiis, tu eis Domine magna pro parvis recompensa, ut devotionem eorum accipiens, fide eos repleas, indulgentia 138.1040C| foveas, misericordia protegas, adversa destruas, prospera concedas, habeant in hoc saeculo bonae actionis documentum, caritatis studium, sancti amoris effectum, et in futuro cum sanctis angelis adipiscantur perpetuum regnum. Amen.
Quotation analysis