7. Ne aliquis majus servitium faciat de feodo militis quam inde debetur.
8. Ut communia placita non sequantur curiam domini regis, sed assignentur in aliquo certo loco; et ut recognitiones capiantur in eisdem comitatibus, in hunc modum: ut rex mittat duos justiciariosper quatuor vices in anno qui cum quatuor militibus ejusdem comitatus electis per comitatum, capiant assisas de nova dissaisina, morte antecessoris, et ultima presentatione, nec aliquis ob hoc sit summonitus nisi juratores et due partes.
9. Ut liber homo amercietur pro parvo delicto secundum modum delicti, et, pro magno delicto, secundum magnitudinem delicti, salvo contenemento suo; villanus etiam eodem modo amercietur, salvo, waynagio suo; et mercator eodem modo, salva mercandisa, per sacramentum proborum hominum de visneto.
10. Ut clericus amercietur de laico feodo suo secundum modum aliorum predictorum, et non secundum beneficium ecclesiasticum.
11. Ne aliqua villa amercietur pro pontibus faciendis ad riparias, nisi ubi de jure antiquitus esse solebant.
12. Ut mensura vini, bladi, et latitudines pannorum et rerum aliarum, emendetur; ita de ponderibus.
13. Ut assise de nova disseisina et de morte antecessoris abbrevientur; et similiter de aliis assisis.
14. Ut nullus vicecomos intromittat se de placitis ad coronam pertinentibus sine coronatoribus; ct ut comitatus et liundredi sint ad antiquas firmas absque nullo incremento, exceptis dominicis maneriis regis.
15. Si aliquis tenens de rege moriatur, licebit vicecomiti vel alii ballivo regis seisire et imbreviare catallum ipsius per visum legalium hominum, ita tamen quod nichil inde amoveatur, donec plenius sciatur si debeat aliquod liquidum debitum domino regi, et tunc debitum regis persolvatur; residuum vero relinquatur exccutoribus ad faciendum testamentum defuncti; et si nichil regi debetur, omnia catalla cedant defuncto.
16. Si aliquis liber homo intestatus decesserit, bona sua per manum proximorum parentum suorum et amicorum et per visum ecclesie distribuantur.
