Ne conſtabularius poſſit diſtringere aliquem militem ad dandum denarios pro cuſtodia caſtri ſi voluerit facere cuſtodiam illam in propria perſona, vel per alium probum hominem, ſi ipſe eam facere non poſſit per rationabilem cauſam. Et ſi Rex eum duxerit in exercitum, ſit quietus de cuſtodia ſecundum quantitatem temporis.
Ne vir vel ballivus Regis, vel aliquis alius, capiat equos vel carectas alicujus liberi hominis pro carriagio faciendo niſi ex voluntate ipſius.
Ne Rex vel ballivus ſuus capiat alienum boſcum ad caſtra vel ad alia agenda niſi per voluntatem ipſius cujus boſcus fuerit.
Ne Rex teneat terram eorum qui fuerint convicti de felonia, niſi per unum annum & unum diem; ſed tunc reddatur domino feodi.
Ut omnes videlli de cetero penitus deponantur in Camiſigia & Medeceoge & per totam Angliam.
