Si quis moriatur & debitum debeat Judeis, uxor ejus habeat dotem ſuam; & ſi liberi remanſerint, provideant iis neceſſaria ſecundum tenementum, & de reſiduo ſolvatur debitum, ſalvo ſervitio dominorum. Simili modo fiat de aliis debitis, & ut cuſtos terre reddat heredi cum ad plenam etatem pervenerit, terram ſuam reſtauratam ſecundum quod rationabiliter poterit ſuſtinere de exitibus terre ejuſdem de carucis & mainagiis.
Si quis tenuerit de aliqua eſcaeta ſicut de honore Wallingfor & Nottingham, Bonon & Lancaſter, & de aliis eſcaetis que ſunt in manu Regis, & ſunt baronie, & obierit, heres ejus non dabit aliud relevium vel faciet aliud ſervitium quam faceret baroni, & ut Rex eodem modo eam teneat quo baro eam tenuit.
Ut fines qui facti ſunt dotibus, maritagiis, hereditatibus & amerciamentis, injuſte & contra legem terre, omnino condonentur, vel fiat inde per judicium XXV. baronum, vel per judicium majoris partis eorum una cum archiepiſcopo & aliis quos ſecum vo-
