23. Et fuit veſpera, & fuit mane, Dies quintus.
24. Et dixit Deus, producat Terra animam viventem ſecundum ſpeciem ſuam; Beſtiam & ſe movens, & Feram iſtius terræ, ſecundum ſpeciem ſuam; & factum ita.
25. Et fecit Deus Feram terræ, ſecundum ſpeciem ſuam; & Beſtiam ſecundum ſpeciem ſuam, & omne reptans humi ſecundum ſpeciem ſuam; & vidit Deus quod bonum.
26. Et dixit Deus, faciamus Hominem in Imaginem Noſtram, ſecundum ſimilitudinem noſtram; & dominabuntur in piſces maris, & in avem cœlorum, & in beſtiam, & in omnem terram, & in omne reptans, quod reptat ſuper terra.
27. Et creavit Deus Hominem in imaginem Ipſius, in imaginem Dei creavit illum; maſculum & fœminam creavit illos.
28. Et benedixit illis Deus, & dixit illis Deus, fructificate & multiplicate vos, & implete terram, & ſubjugate eam, & dominamini in piſces maris, & in avem cœlorum, & in omne vivum, reptans ſuper terra.
29. Et dixit Deus, ecce, do vobis omnem herbam ſeminificantem ſemen, quæ ſuper faciebus totius terræ, & omnem arborem, in qua fructus; arbor producens ſemen vobis erit in cibum.
30. Et omni Feræ terræ, & omni Avi cœlorum, & omni reptanti ſuper terra, in quo anima vivens, omne viride herbæ in eſcam: & factum ita.
31. Et vidit Deus omne quod fecit, & ecce bonum valde. Et fuit veſpera, & fuit mane, dies ſextus.
CONTENTA.
6 SEX Dies ſeu Tempora, quæ ſunt tot ſucceſſivi Status Regenerationis hominis, in genere ita ſe habent.
7 Primus Status eſt, qui præcedit, tam ab infantia, quam proxime ante Regenerationem, & vocatur vacuitas, inanitas, & caligo. Et primus motus, qui eſt Miſericordia Domini, eſt Spiritus Dei motitans ſe ſuper faciebus aquarum.
8. Secundus Status eſt, cum diſtinguitur inter illa, quæ ſunt Domini, & quæ ſunt hominis propria: quæ ſunt Domini, vocantur in Verbo, Reliquiæ, ſuntque hic imprimis Cognitiones fidei, quas ab infantia didicit; quæ reconduntur, nec patent, priuſquam in ſtatum hunc venit: qui
