Pagina:Athanasius Kircher - Turris Babel - 1679.djvu/178

124

Athanasii Kircheri è Societ. Jesu

TURRIS BABEL,

liber tertius,

SIVE

PRODROMUS IN ATLANTEM POLYGLOSSUM,

quo

Per prælusiones quasdam, de varietate linguarum et idiomatum disparatissima genera, quæ unà cum idololatriâ in orbem terrarum occasione primævæ confusionis irrepserunt, potissimum agitur.

præfatiuncula.

N

Osse te velim, lector, nos sacræ Genesis historiæ de Turri Babylonicâ argumentum ob infinitam penè explicandarum rerum multitudinem et varietatem in tres tomos digessisse, quorum primus pariter in tres libros distinctus est. Primus et secundus continent solummodo Turris fabricam, aliarumque rerum à posteris Nembrod tum in Babylonia et Assyria, tum in Ægypto gestarum exegesim. In lbro vero tertio hujus primi tomi, quem Prodromum in Atlantem Polyglossum inscripsimus, per prælusiones quasdam προλεγομένας de prima linguarum origine, primævorumque idiomatum fontibus, eorumque ortu declinatione et interitu totali dicendum censuimus, uti sequitur.

prælusio I.

Prælusio I.

C

Onstat ex præcedenti libro, ante Turris exstructionem terram fuisse labii unius, eundemque sermonem, eandemque linguam omnibus; ex linguæ verò hujus unitate, justo Dei judicio de hujusmodi primævorum hominum superbia Deo se vindicante, confusionem esse natam, juxta sacri textus verba: Venite et confundamus ibi linguam eorum. Justa profectò, et digna tam impiæ eorum hominum superbiæ, atque ad obediendum contumacia, hæc pœna fuit, conveniensque culpa supplicium; nam uti rectè Divus Augustinus: D. Augustinus.quemadmodum imperantis dominatio in lingua est, ita quoque ibidem superbia damnata est, ut non intelligeretur jubens homini, qui noluit intelligere, ut obediret Deo jubenti. Hoc pa-

-cto