Tractatus de pomo et morte incliti principis philosophorum aristotilis incipit feliciter·
¶ Tractatus eiusdem aristotilis de bona fortuna·
¶ Item alius tractatus de differencia spiritus et anime phisicus·
¶ Tractatus eiusdem philosophi de phisionomia· Eiusdem de inundacione nili fluvii in egipto·
Um homo creaturarum dignissima
similitudo sit omnium ad ymaginem
dei factus· et nobile propter
ignobile sit creatum· sic ut nichil in eo sit
nobilius estimatur quam se suumque
creatorem cognoscere· sic nec dampnabilius aliquid quam
utrumque solum sensibilibus deditas ignorare· Nam licet
a primo qui omnem hominem venientem in hunc
mundum illuminat· et sui vultus lumine nos
signavit illuminacionem prima et ultima relacionem
recipiat ut ad deum fontem veri luminis finem suum ad
instar solis qui oritur et occidit et ad locum suum
revertitur valeat pervenire· cum ita obscuritate subiecte
coniugis impeditur ex qua infirmitas omnis sibi
corrupcionis acquiritur ut terrene concupiscencie vicio
deformatus memoria honorabilium electionis
iudicium non admittat· Sed ignorancie caligine devius
perfectionis ultime terminum ad quem proprie ducebat
intencio non attingat cum summam scienciam et
ignoranciam deo remotus sit aliquis aut propinquus
Unde quod ab erroris huius devio relevetur et educatur
