PROCOPII CAESARIENSIS
HISTORIARUM TETRADIS I.
LIBER I.
ARGUMENTUM.
EX EDITIONE MALTRETI.
Aperit auctor propositum suum. Utilitatem, fidem ac dignitatem
ostendit huius historiae. Contra antiquitatis laudatores praeposteros,
aetatis suae sagittarios egregie defendit. (Cap 1.) Moriens Arcadius Aug.
tutelam Theodosii filii sui mandat Isdigerdi, Persarum regi. Huius files
optima Theodosii legatus Anatolius et Vararanes Persarum rex illustre
inter se edunt urbanitatis exemplum. Pax componitur. (2.) Perozes rex
Persarum bello petit Ephthalitas, sive Hunnos albos Barbarorum
istarum mores, inprimis mira lex amicitiae. Tenetur Perozes insidiis.
Periculi ignarus monetur parabola. Ut evadat, perpetuam Ephthalitis pacem
spondet, iuratque per salem patrio ipsorum more. Eorum regem adorare
iussus facti ignominiam astu elevat. (3.) Altera Perozis expeditio in
Ephthalitas. Horum apparatus et stratagema. Salem, per quem Perozes
iuraverat, e cuspide vexilli regii suspensum praeferunt Persarum insignis
clades. Per digressionem narratur piscatio unionis pretiosissimi, quem
Perozes gestabat. Ex ea clade lex nata militaris. Extincto cum triginta
filiis Perozi succedit Cabades natu minimus. (4.) Cabadis lex de
promiscuo foeminarum usu irritat subditos Blasi Perozis fratri regnum
defertur, quippe haereditarium. In comitiis abhorrent omnes a crudeli
Gusamastadis sententia in Cabadem, quem malunt includere in castellum
Oblivionis. Huius origo nominis ex lege, contra quam venit nemo unquam nisi
Pacurius. Hinc auctor digreditur ad memorabilem historiam et tragicum
exitum Arsacie regis Armeniae. (5.) Cabades elabitur uxoris ope et Sco-
