Haec pagina emendata est
PROCOPII CAESARIENSIS
DE AEDIFICIIS DN. IUSTINIANI
LIBER II.
Non templa, quae Constantinopoli et in suburbiis Iustinianus Aug.
condidit, ac vetera, quae aevo debilitata restituit, caeteraque ipsius in
eadem urbe aedificia, superiori libro complexi sumus. Iam ad munitiones,
quibus imperii Rom. limites circumdedit, traducamus orationem: quam hic
maxime laborare, et rem sane arduam moliri necesse est. Neque enim
pyramidas, decantatum illud opus, in quo regum Aegypti industria ad inutilem
gratiam recidit, sed arces munimentaque omnia describemus; quibus princeps
hic noster servavit imperium, sic ipsum vallans, ut barbarorum in Romanos
Procopius III.
14
