Haec pagina emendata est
PROCOPII CAESARIENSIS
DE AEDIFICIIS DN. IUSTINIANI
LIBER VI.
Ea quidem sunt Iustiniani Aug. in illis partibus aedificia: haec vero fecit
Alexandriae. Fluvius Nilus Alexandriam usque non fertur: sed postquam
oppidum alluit, cui nomen Cheraeum, ad laevam labitur, relictis finibus
Alexandriae. Quocirca veteres, ne civitas plane expers illius esset, alta a
Cheraeo fossa perducta, modicam fluminis partem huc admisere; quo et per
alios quosdam meatus palus Maria se exonerat. Naves magnas fossa illa
non patitur: sed frumentum Aegyptium Cheraei in lembos, quos vulgo
diaremata appellant, impositum, in urbem devehunt; quo pervenire licet per
illud fluvii diverticulum, ac reponunt in loco, quem Alexandrini Phialam