Haec pagina emendata est
FÁBULA PRIMA.
male facere qùi vult, nusquam non causam invenit.
Lupus et Agnus.
Ad rivum eúndem Lupus et Agnus vénetant,
Siti compúlsi: supérior stabat Lupus.
Longêque inférior agnus: tunc fauce ímproba
Latro incitâtus, júrgii causam íntulit.
Cur, inquit, turbuléntam fecisti mihi
Istam bibénti? Lániger contra timens,
Qui possum, quæso, fácere, quod quéreris, lupe?
A te decúrrit ad meus haustus liquor.
Repúlsus ille veritâtis viribus,
Ante hos sex menses malè, ait, dixísti mihi.
Respóndit agnus: équidem natus non eram.
Pater, hérculè, tuus, inquit, maledíxit mihi.
Atque ita corréptum lácerat, injústâ nece.
Hæc propter illos scripta est hómines fabula,
Qui fictis causis innocentes ópprimunt.
