FASCICULUS
PLANTARUM CRYPTOGAMICARUM
BRITANNIÆ.
MUSCI.
PHASCUM[Nota marginalis:serratum.] surculis filamentaceis geniculatis ramosis, foliolis
perichætii lanceolatis serratis. Tab. I. fig. 1
Phascum acaule, foliis ovato-lanceolatis planis serratis erectis. Schreb. de Phasco, tab. 2.
Phascum acaule, foliis per lentem ferratis, capsulis ætate globosis læte purpureis. Weber Fl. Goett. p. 124.
Habitat in pratis ad latus septentrionale collis Muswell Hill dicti, prope Highgate, villam Londino vicinam. IV.
Descr. Planta minutissima, Byssum filamentosam primo visu referens, vix nudis oculis manifesta, ni cæspitibus cresceret; et est quasi catena naturalis annulus, qui muscos et algas connectit, Phasci et Conservæ particeps. Conftat ex filamentis numerosis, viridibus, congestim nascentibus: hæc filamenta, per lentem aucta, apparent ramosa, repentia, teretia, geniculata, ut Conservæ, interstitiis pellucidis, septis obscurius viridibus. Rami alterni et dichotomi, apicibus subulatis. Capsule ovate, acuminate, lateribus surculorum prope basin sparsim adnate, sessiles, maturitate subrusæ. Calyptram non vidi. Operculum nullum abscedens. Perichætium constat ex 3 s. 4 foliolis lanceolatis, acuminatis, serratis.
