mœ, repetitum iter, quo destinaverat, emensus est, nullo obsistente.
4. Nicostratus, dux Ætolorum adversus Epirotas, quum ei aditus in fines eorum angusti fierent, per alterum locum irrupturum se ostendens, omni ilia ad prohibendum occurrente Epirotarum multitudine, reliquit suos paucos, qui speciem remanentis exercitus præberent ; ipse cum cetera manu, qua non exspectabatur, aditum intravit.
5. Autophradates Perses, quum in Pisidiam exercitum duceret, et angustias quasdam Pisidæ occuparent, simulata vexatione trajiciendi, instituit reducere, quod quum Pisidæ credidissent, ille noctu validissimam manum ad eumdem locum occupandum præmisit, ac postero die totum trajecit exercitum.
6. Philippus, Macedonum rex[31], Græciam petens, quum Thermopylas occupatas audiret, et ad eum legati Ætolorum venissent acturi de pace, retentis eis, ipse magnis itineribus ad angustias pertendit, securisque custodibus, et legatorum reditus exspectantibus, inopinatus Thermopylas trajecit.
7. Iphicrates, dux Atheniensium adversus Anaxibium Lacedæmonium in Hellesponto contra Abydon, quum transducendum exercitum haberet per loca, quæ stationibus hostium tenebantur, alterum autem latus ejus transitus abscisi montes premerent, alterum mare allueret, aliquandiu moratus, quum incidisset frigidior solito dies, et ob hor nemini suspectus, delegit firmis-
