Pagina:Gallia Christiana, 1715, T1.djvu/64

59

60

ECCLESIA ALBIENSIS.

AXXVIII. Bernardus IV. monachus Candelii & prior, cum fuiſſet electus abbas Vallis-ſanctæ, anno 1323. mortuo Adeodato conſtituitur abbas, bulla Johannis papæ XXII. data anno 13. ejus pontificatus. Procul dubio eſt B. abbas Candelienſis, qui cum duobus aliis inſtituitur vicarius generalis in ſpiritualibus & temporalibus a Pictavino de Monteſquivo epiſcopo Albienſi an. 1339. die 20. Februarii, ex Baluzio in not. ad vit. pap. Avenion. & ex tabulis epiſcopatus. Præerat anno 1378. quidam Bernardus. Quid-ni idem ? XXIX. Raimundus III. Rafin rexit 1379. & 1381.B XXX. Guido Bernardi 1386. Ex tab. monaſterii.XXXI. Petrus V. Gravis, magiſter in ſacra pagina, abbas Candelii 1430. 21. Julii ; anno 1431. 13. Julii & 20. Auguſti recipit ſacramentum a conſulibus. Item die xi. Maii 1440. XXXII. Raimundus IV. abbas Candelii, mitræ, baculi, annulique quando celebraret in eccleſia dicti monaſterii uſum obtinet ab Alano cardinali tituli ſanctæ Praxedis, vulgo nuncupato cardinali Avenion. legato a latere in Francia, & in terris adjacentibus, uſque ad Rhenum, 27. Octobris 1456. Ibid.juxta bullam Calixti papæ III. tale jus duodecim abbatibus monaſteriorumC præcipuorum concedere in ſuæ legationis ſpatio permittentem, datam pridie idus Septembris 1455. pontificatus anno 1. Raimundus Boiſſeti forte idem, ſepultus ante majus altare, breve habet hoc epitaphium : Hic jacet Nonnus Raimundus Boiſſeti abbas Candelii, obiit 1472. Februarii 23. die. Requiescat in pace. Pro ſtemmate in ſcuto viſitur arbor avulſa. XXXIII. Guillelmus VI. Boiſſeti, præcedentis nepos & ſucceſſor, monaſterium pene totum reædificavit, pluraque in ejus commodum præſtitit bona, quæ longius commemorare non vacat. Fama eſt apud Candelienſes eum fuiſſe poſteaD abbatem Ciſtercienſem. Sed præterquam quod nulla hujus rei affertur ratio, huic opinioni refragatur ipſius epitaphii ſilentium quod ante altare eſt hujuſmodi : Hic jacet Nonnus Guillelmus Boiſſeti abbas Candelii, nepos Remundi, qui obiit etiam Decembris die x. anno md. XXXIV. Guillelmus VII. Boiſſeti in variis Albienſis eccleſiæ inſtrumentis occurrit 1512. 1513. Sed an 1514. ſedes vacabat, ut didicimus ex chartis monaſterii Grandis-ſilvæ. XXXV. Jacobus de Caſtelnau de Clermont epiſcopus ſancti Pontii Tomeriarum, abbas Candelii anno 1546. adhuc locum habet in chartis monaſterii uſque ad annum 1586.E XXXVI. Alexander de Caſtelnau de Clermont commendatarius 1595. XXXVII. Petrus VI. Conardi, Bolbonæ monachus, doctor in ſacra facultate, breve regium obtinuit 1609. In Albienſi S. Cæciliæ eccleſia benedicitur 1610. Vita fungitur 1618. Jacet ante altare cum hac epigraphe. Obiit Petrus Conardi abbas Candelii, doctrina & zelo flagrans 9. Januarii 1618. XXXVIII. N. Phelippeaux de la Vrilliere commendam obtinet Candelii ab anno 1618. uſque ad 1628.

XXXIX. Antonius Ruel ex Canonico Regulari fit Candelii monachus & abbas regularis. Præfuit ab anno 1628. ad 1669. XL. Petrus VII. Brun, Grandis-ſilvæ monachus renuntiatur abbas regularis an. 1669. adhucque præerat 1679. quo D. Claudius Eſtiennot, eo annuente tabularium hujus abbatiæ inveſtigavit. Abbatia S. Catharinæ. MOnaſterium ſanctæ Catharinæ dictum vulgo Capitis Pontis-Tami, civitatis Albienſis, ordinis ſancti Auguſtini, circa annum 1333. originem ſumſit ex abbatia ſancti Auguſtini Toloſæ. Eo enim anno abbatiſſa, Johanna nomine ſcribit ad epiſcopum Albienſem pro conſtructione monaſterii in urbe Albienſi, & ipſi ſubjicit moniales quas mittebat ad inchoationem novi operis. Earum nomina continet vetus charta, quæ ſic habet. ANno 1333. indictione 1. 5. introitus Januarii Johanna abbatiſſa ſancti Auguſtini Tholoſæ, Beraldo epiſcopo Albienſi ſcripſit, & miſit Johannam & Raimundam de ſancto Leontio, & Guillelmam de Baino, Armeniardem de Cabanello, Alaidaciam Ortam.... Maurandam de Corniliis, Johannam de Caſtro-novo, Guillelmam de Aragone, Raimundam de Pratis, Bermundam de Gilaberta, Raimundam Borderia, Merſendem Sobrianam, Raimundam Bonetæ, & Raimundam Salomone, ad conſtruendum monaſterium. Eas ſubjicit epiſcopo, & in ſignum ſubjectionis ſingulis annis debebant ſolvere unum marbotinum auri. Eodem tempore jam publice miſſa celebrata eſt in quodam illarum monialium ſacello, ut ex ſequenti eruitur inſtrumento, quod etiam plura alia nos docet. Ex autogr. Albienſi. IN nomine Domini, amem. Noverint univerſi & ſinguli, quod anno ejuſdem incarnationis. mcccxxxiii. videlicet die Martis. i nfeſto beati Bartholomæi apoſtoli, dominus Geraldus Frauſſa preſbyter de Albia, ad requiſitionem religioſarum dominarum ſororum Johannæ de ſancto Leontio, Remundæ de ſancto Leontio, Guillelmæ de Vauro ſororum ſancti Auguſtini conventus Albiæ, & aliarum ſororum dicti conventus Albiæ, celebravit ſolemniter januis apertis, miſſam palam & publice, & ſine contradictione in quodam hoſpitio quod dederat eiſdem ſororibus, ſoror Eſclarmunda de Valle, ſituato in barrio capitis pontis Albiæ, confrontato cum hoſpitiis Petri de ſancto Stephano, & cum carreria communi, & cum orto Vitalis Johannis, & eccleſiam ſuam de expreſſa voluntate domini epiſcopi Albienſis, ut dixerunt, de novo ibidem ordinaverunt, dicentes ſe velle domino favente ibidem monaſterium earum ordinis ædificare, ordinare, ac etiam conſtruere. Et cum eſſent ibidem pacifice & quiete, & facerent ibidem, ut præfertur, miſſam celebrare, de mandato & aſſenſu expreſſo domini noſtri epiſcopi Albienſis, ut dixerunt & eſſent in pacifica poſſeſſione, de prædictis requiſierunt dictæ ſorores, & Petrus Capelli clericus procurator dictarum ſororum dicti conventus, & me no-