Pagina:Horace - Œuvres, trad. Leconte de Lisle, I.djvu/106

E Wikisource
Haec pagina emendata est



     Vulgarit arcanæ, sub isdem
          Sit trabibus, fragilemque mecum
Solvat phaselon. Sæpe Diespiter
Neglectus incesto addidit integrum ;
     Raro antecedentem scelestum
          Deseruit pede Pœna claudo.




AD CÆSAREM AUGUSTUM.


Justum et tenacem propositi virum
Non civium ardor prava jubentium,
     Non vultus instantis tyranni
          Mente quatit solida, neque Auster,
Dux inquieti turbidus Hadriæ,
Nec fulminantis magna Jovis manus :
     Si fractus illabatur orbis,
          Impavidum ferient ruinæ.
Hac arte Pollux et vagus Hercules
Enisus, arcis attigit igneas,