Haec pagina emendata est
Disce fortunam ; tua sectus orbis
Nomina ducet. »
Festo quid potius die
Neptuni faciam ? Prome reconditum,
Lyde, strenua Cæcubum,
Munitæque adhibe vim sapientiæ.
Inclinare meridiem
Sentis ; ac veluti stet volucris dies,
Parcis deripere horreo
Cessantem Bibuli consulis amphoram.
Nos cantabimus invicem
Neptunum, et virides Nereidum comas,
Tu curva recines lyra
Latonam, et celeris spicula Cynthiæ ;
Summo carmine quæ Cnidon
Fulgentesque tenet Cycladas, et Paphon
