Haec pagina emendata est
Quis scit an adjiciant hodiernæ crastina summæ
Tempora Di superi?
Cuncta manus avidas fugient hæredis, amico
Quæ dederis animo.
Cum semel occideris, et de te, splendida Minos
Fecerit arbitria,
Non, Torquate, genus, non te facundia, non te
Restituet pietas ;
Infernis neque enim tenebris Diana pudicum
Liberat Hippolytum;
Nec Lethæa valet Theseus abrumpere caro
Vincula Perithoo.
Donarem pateras, grataque commodus,
Censorine, meis æra sodalibus ;
Donarem tripodas, præmia fortium
Graiorum, neque tu pessuma munerum
