Haec pagina emendata est
Auguste, virtutes in ævom
per titulos memoresque fastos
Æternet, o ! qua sol habitabilis
Inlustrat oras, maxime Principum ?
Quem legis expertes Latinæ
Vindelici didicere nuper
Quid Marte posses ; milite nam tuo
Drusus Genaunos, inplacidum genus,
Breunosque veloces, et arces
Alpibus impositas tremendis
Dejecit acer plus vice simplici.
Major Neronum mox grave prœlium
Commisit immanisque Rætos
Auspiciis pepulit secundis,
Spectandus in certamine Martio,
Devota morti pectora liberæ
Quantis fatigaret ruinis,
Indomitas prope qualis undas
