Haec pagina emendata est
Præconis ad fastidium,
Arat Falerni mille fundi jugera,
Et Appiam mannis terit ;
Sedilibusque magnus in primis eques,
Othone contempto, sedet.
Quid attinet tot ora navium gravi
Rostrata duci pondere
Contra latrones atque servilem manum,
Hoc, hoc tribuno militum ?
« At, o Deorum quidquid in cælo regit
Terras et humanum genus !
Quid iste fert tumultus ? aut quid omnium
Vultus in unum me truces ?
Per liberos te, si vocata partubus
Lucina veris affuit,
