Haec pagina emendata est
Nuper sollicitum quæ mihi tædium,
Nunc desiderium curaque non levis,
Interfusa nitentes
Vites æquora Cycladas.
Pastor cum traheret per freta navibus
Idæis Helenam perfidus hospitam,
Ingrato celeres obruit otio
Ventos ut caneret fera
Nereus fata. “mala ducis avi domum
Quam multo repetet Græcia milite
Conjurata tuas rumpere nuptias
Et regnum Priami vetus.
Eheu ! quantus equis, quantus adest viris
Sudor ! quanta moves funera Dardanæ
