Haec pagina emendata est
Sic geminant Corybantes æra,
Tristes ut iræ ; quas neque Noricus
Deterret ensis, nec mare naufragum,
Nec sævos ignis, nec tremendo
Jupiter ipse ruens tumultu.
Fertur Prometheus addere principi
Limo coactus particulam undique
Desectam et insani leonis
Vim stomacho apposuisse nostro.
Iræ Thyesten exitio gravi
Stravere, et altis urbibus ultimæ
Stetere causæ, cur perirent
Funditus inprimeretque muris
Hostile aratrum exercitus insolens.
Conpesce mentem : me quoque pectoris
Tentavit in dulci juventa
Fervor, et in celeres iambos
Misit furentem. Nunc ego mitibus
