Haec pagina emendata est
Temperant vites, neque Formiani
Pocula colles.
Dianam teneræ dicite virgines ;
Intonsum, pueri, dicite Cynthium
Latonamque supremo
Dilectam penitus Jovi.
Vos lætam fluviis, et nemorum coma,
Quæcumque aut gelido prominet Algido
Nigris aut Erymanthi
Silvis, aut viridis Cragi.
Vos Tempe totidem tollite laudibus,
Natalemque, mares, Delon Apollinis,
Insignemque pharetra
Fraternaque umerum lyra.
Hic bellum lacrimosum, hic miseram famem,
