Pagina:Horace - Œuvres, trad. Leconte de Lisle, I.djvu/62

E Wikisource
Haec pagina emendata est



Cressa ne careat pulcra dies nota,
     Neu promptæ modus amphoræ,
Neu morem in Salium sit requies pedum ;
     Neu multi Damalis meri
Bassum Threicia vincat amystide,
     Neu desint epulis rosæ,
Neu vivax apium neu breve lilium.
     Omnes in Damalim putres
Deponent oculos nec Damalis novo
     Divelletur adultero,
Lascivis hederis ambitiosior.



AD SODALES.


Nunc est bibendum, nunc pede libero
Pulsanda tellus, nunc Saliaribus
     Ornare pulvinar Deorum
          Tempus erat dapibus, sodales !