Haec pagina emendata est
Crescentem tumidis infla sermonibus utrem.
Cum te servitio longo curaque levarit,
Et certum vigilans, quartæ sit partis Ulixes,
Audieris <style="font-style:normal;">hæres : — « Ergo nunc Dama sodalis
Nusquam est ? Unde mihi tam fortem tamque fidelem ? »
Sparge subinde : et, si paulum potes, illacrimare : est
Gaudia prodentem vultum celare. Sepulchrum
Permissum arbitrio, sine sordibus exstrue : funus
Egregie factum laudet vicinia. Si quis
Forte cohœredum senior male tussiet, huic tu
Dic, ex parte tua seu fundi sive domus sit
Emptor, gaudentem nummo te addicere. Sed me
Imperiosa trahit Proserpina : vive valeque.
Hoc erat in votis : modus agri non ita magnus,
