Pagina:Horace - Œuvres, trad. Leconte de Lisle, II.djvu/158

Posset cenantis offendere ; ut Attica virgo
Cum sacris Cereris, procedit fuscus Hydaspes,
Cæcuba vina ferens, Alcon Chium maris expers.
Hic erus : « Albanum, Mæcenas, sive Falernum
Te magis appositis delectat, habemus utrumque. »

H o r a t i u s.

Divitias miseras ! Sed quis cœnantibus una,
Fundani, pulchre fuerit tibi, nosse laboro.

F u n d a n i u s.

Summus ego, et prope me Viscus Thurinus, et infra,
Si memini, Varius ; cum Servilio Balatrone
Vibidius, quos Mæcenas adduxerat umbras.
Nomentanus erat super ipsum, Porcius infra,
Ridiculus totas semel absorbere placentas ;