Haec pagina emendata est
Sed videt hunc omnis domus et vicinia tota
Introrsum turpem, speciosum pelle decora.
— « Nec furtum feci, nec fugi, » si mihi dicat
Servus : — « Habes pretium, loris non ureris, » aio.
— « Non hominem occidi. » — « Non pasces in cruce corvos. »
— « Sum bonus, et frugi. » — « Renuit negitatque Sabellus ;
Cautus enim metuit foveam lupus, accipiterque
Suspectos laqueos et opertum miluus hamum.
Oderunt peccare boni virtutis amore ;
Tu nihil admittes in te formidine pœnæ ;
Sit spes fallendi, miscebis sacra profanis.
Nam de mille fabæ modiis cum surripis unum,
Damnum est, non facinus, mihi pacto lenius isto. »
Vir bonus, omne Forum quem spectat et omne tribunal,
Quandocumque Deos vel porco vel bove placat,
