Haec pagina emendata est
Inde Rubos fessi pervenimus, utpote longum
Carpentes iter, et factum corruptius imbri.
Postera tempestas melior ; via pejor ad usque
Bari mœnia piscosi. Dehinc Gnatia Lymphis
Iratis exstructa, dedit risusque jocosque,
Dum flamma sine thura liquescere limine sacro
Persuadere cupit. Credat Judæus Apella,
Non ego ; namque Deos didici securum agere ævom,
Nec, si quid miri faciat natura, Deos id
Tristes ex alto cæli demittere tecto.
Brundusium longæ finis chartæque viæque est.
Non, quia, Mæcenas, Lydorum quidquid Etruscos
Incoluit fines, nemo generosior est te ;
