Pagina:Horace - Œuvres, trad. Leconte de Lisle, II.djvu/59

E Wikisource
Haec pagina emendata est


his me consolor victurum suavius ac si
quæstor avus pater atque meus patruusque fuisset.



SATIRA VII.


Proscripti Regis Rupili pus atque venenum
Hybrida quo pacto sit Persius ultus, opinor
Omnibus et lippis notum et tonsoribus esse.
Persius hic permagna negotia dives habebat
Clazomenis, etiam lites cum Rege molestas,
Durus homo, atque odio qui posset vincere Regem ;
Confidens, tumidusque ; adeo sermonis amari,
Sisennas, Barros ut equis præcurreret albis.
Ad Regem redeo. Postquam nihil inter utrumque
Convenit (hoc etenim sunt omnes jure molesti,