126 Nativ. S. Joannis.
AD SECUNDAS VESPERAS.
Quid moras nectis? Domino jubenti Cede : qui sacro lavat igne corda, Hie tuis ardet manibus, Joannes, Amne lavari.
Quis fuit sensus tibi, cum videres Supplicis ritu dare colla pronum, Cui pedum summo reputes honori Solvere lora?
Cernis ut, nimbo rutilante, Christo Spiritus, Patris comitante voce, Incubat; sese Triadisque tota Pandit imago ?
Diligens instas operi minister; Victimam mundi scelus auferentem Praedicas agnum, digitoque fidus Indice monstras.
Immemor laudis propriae, magistro Debitos Christo properas alumnos Reddere : ardebas minui, decebat Crescere Christum.
Nee fidem vita sat erit probasse; Vindicem laesi rigidum pudoris Te manet career: Domino cruenta Morte praeibis.
