Haec pagina nondum emendata est
174 Unius Martyris.
��AD OFFICIUM NOCT.
Felix morte tua, qui cruciatibus Coelo difficilem rumpere amas viam,
Et signare cruore
Quam Christo dederas fidem !
Poenis victa quibus deficeret fides, Tu poenas avida mente praeoccupas :
Cui non sufficit una,
Ambis innumeras neces.
Te pro lege sua magnanimum mori, Te Christus pugilem spectat ab aethere:
Ne succumbere possis,
Tecum praelia sustinet.
Et nos delicias, vana per otia, Gens infida Deo, quaerimus anxii :
Quid torpemus ? inertes
Sanguis Martyris excitat.
Semper maxima laus ingenito Patri : Semper laus genito maxima Filio:
Sacri nexus amoris,
Sit laus par tibi, Spiritus.
�� �
