Haec pagina nondum emendata est
Virginum.
Liliis Sponsus recubat, rosisque : Tu, tuo semper bene fida Sponso, Et rosas martyr, simul et dedisti Lilia virgo.
Summa laus Patri, genitoque Verbo; Et tibi compar, utriusque Nexus : Fac tibi semper placeamus uni Moribus aequis.
��Pro non Martyre.
Non vana dilectum gregem Pavere mundi gaudia, Nee pura fallax pectora Imago lusit seculi.
Sed haec tuarum propria Sunt, Christe, sponsarum bona, Te semper, et tecum tuis In te potiri gaudiis.
Castis vicissim tu tibi In cordibus thorum struis : Interque flammas intimo Amans quiescis in sinu.
Hie unus est sponsis amor, Unusque tecum spiritus ; Beasque sponsus singulas, In teque transformas, Deus.
�� �
