Pagina:Hymni Ecclesiae.djvu/342

E Wikisource
Haec pagina nondum emendata est

314 In Dom. I. Quadragesimae.

Precamur, sancte Domine, Defende nos in hac nocte, Sit nobis in te requies, Quietem nocte tribue.

Ne gravis somnus irruat, Nee hostis nos surripiat, Nee caro illi consentiens Nos tibi reos statuat.

Oculi somnum capiant, Cor ad te semper vigilet; Dextera tua protegat Famulos qui te diligunt

Defensor noster aspice, Insidiantes reprime; Guberna tuos famulos, Quos sanguine mercatus es.

Memento nostri Domine, In gravi isto corpore, Qui es defensor animae, Adesto nobis Domine.

Deo Patri sit gloria, Ejusque soli Filio, Cum Spiritu Paraclito, Et mine, et imperpetuum.

�� �