In Festo S. Joannis. 41
Per te sacra patent abdita vatibus : Quae lux in tenebris fulgeat, indicas : A quo vita fluit, principium petis, Et primordia luminis.
Patri maxima laus, maxima Filio, Amborumque sacro maxima Flamini : Haec est certa fides, fontibus e tuis Quam divinitus hausimus.
��AD VESPERAS.
Sit qui rite canat te modo virginem, Te scriptis celebrem dicat Apostolum, Jungat veridicis te quoque Vatibus, Christi te cano Martyrem.
Diri testis eras funeris, et comes, Votis cum Domino fixus eras cruci; Hoc tantum licuit tune tibi mutuis Respondere doloribus.
Pendens funerea Christus ab arbore, Te matri miserae jam sine filio, Natum substituit. Credere Virginem Quam par est tibi virgini !
Tali deposito quid pretiosius? Mater vera Dei jam tua dicitur, Natus jure pari dicere; mortui Jacturam reparas Dei.
�� �
