Pagina:Krueger, Studemund - Gai Institutiones, Berolini, 1877.djvu/93

II §115-121

―― 61 ――

§115^{[§ 1]}      Non tamen, ut iure ciuili ualeat testamentum, sufficit
     ea obseruatio quam supra exposuimus de familiae uenditione^[1]
     et de testibus et de nuncupationibus: §116^{[§ 2]} (sed) ante omnia re-^[2]
     quirendum est, an institutio heredis sollemni more facta sit;^[3]
     nam aliter facta institutione nihil proficit familiam testatoris
     ita uenire testesque ita adhibere et ita nuncupare testa-^[4]
     mentum, ut supra diximus. §117 sollemnis autem institutio haec
     est titivs heres esto; sed et illa iam conprobata uidetur titivm^[5]
     heredem esse || ivbeo; at illa non est conprobata titivm here-       pag.83
     dem esse volo; sed et illae a plerisque inprobatae sunt titivm^[6]
     heredem institvo, item heredem facio.^[7]
§118      Obseruandum praeterea est, ut si mulier quae in tutela
     est faciat testamentum, tutore auctore facere debeat: alioquin^[8]
     inutiliter iure ciuili testabitur. §119 Praetor tamen si septem signis
     testium signatum sit testamentum, scriptis heredibus secun-
     dum tabulas testamenti bonorum (possessionem) pollicetur; (et)^[9]
     si nemo sit, ad quem ab intestato iure legitimo pertineat here-
     ditas, uelut frater eodem patre natus aut patruus aut fratris
     filius, ita poterunt scripti heredes retinere hereditatem: nam
     idem iuris est et si alia ex causa testamentum non ualeat, ue-^[10]
     lut quod familia non uenierit aut nuncupationis uerba testator
     locutus non sit. §120 Sed uideamus an etiamsi frater aut patruus ex-^[11]
     tent, potiores scriptis heredibus habeantur: rescripto enim im-^[12]
     peratoris Antonini significatur eos qui secundum tabulas testa-
     menti non iure factas bonorum possessionem petierint, posse
     aduersus eos qui ab intestato uindicant hereditatem, defen-^[13]
     dere se per exceptionem doli mali. §121 quod sane quidem ad

     masculorum testamenta pertinere certum est; item ad femi-

---

1. §115. usque ad 2 exposuimus fere = Inst. 2, 13 pr. || supra] §§ 104 seqq.
2. §116. supra] §§ 104 seqq.

---

1. ea C, haec Inst. || obseruattio Cⁿ, conf. C^a pag. 305
2. nunccupationibus Cⁿ || sed om. C, conf. C^a pag. 300 uers. 17
3. est an] eam ? Cⁿ, conf. C^a pag. 266
4. et ita duce Huschkio (Boecking), aut Cⁿ || nupare C, conf. C^a pag. 282 uers. 8
5. titus C || illam C
6. inprobataest C (conf. C^a pag. 301), unde etiam sic scribere possis: sed et illa a plerisque inprobata est etc.
7. institutio C
8. tutore auctore Hollweg, tutores habet C (in archetypo fuerit tut• auct• uel per errorem tut• auet•, conf. C^a pag. 257 uers. 28 et pag. 307 uers. 9 et pag. 309 uers. 9)
9. bonorum possessionem] bus? C, conf. C^a pag. 258
10. causa] senatusconsulto Cⁿ, conf. C^a pag. 259
11. 22 — 23 expectes: sed uideamus an (non) etiam si frater aut patruus extent, potiores scripti heredes habeantur (similiter Huschke)
12. resscribto Cⁿ conf. C^a pag. 298
13. uindicant ex uindicat factum C.