ipsis parentibus generari possit praeiudicium, nisi forte ex talibus contractibus , vel quasi, vel ex eorum iudicijs praedictis facti essent ipsi patres familias locupletiores, quo casu eatenus teneantur quatenus facti erunt locupletiores, et non ultra.
De Actis et instrumentis productis quomodo restitncuitur.
Rubrica. XIX.
Actis, testamentis, codicillis, et instrumentis, et quibuscunque scripturis in iudicio productis, Capitanei quandocunque ad petitionem producentis terminum adversae parti convenientem ad accipiendum copiam de productis dare teneantur, et termino elapso parti producenti, et ad eius petitionem, Notarius causae producta registrare , et restituere ipsis registratis teneatur poena centum solidorum Communi applicandorum . Capitaneique ipsi sub simili poena dari dictum terminum, et Notarium causae ad praedictorum restitutionem cogere debeant.
Et praedicta in causis civilibus, et cfiminalibus , et omni causarum genere locum habere volumus.
De litis contestatione.
Rubrica. XX.
Quoniam in litis contestatione quaedam iuris constitutionibus verborum solemnitas requiritur, quae, quandoque non bene per Notarium scribi, nec per partes exprimi aut explicari potest, statuimus, et ordinamus, quod in litis contestatione per Notarium scribi haec verba sufficiant, nempe : et litis contestatio facta est, et iuratum de calumnia ab utraque parte. Quod si ita scriptum reperiretur, pro vera, et legitima contestatione habeatur, ac si omnia iuris solemnia intervenissent, et nihil propterea contra eam possit opponi.
