in tot condemnatia arbitrio Dominorum Capitaneorum, Camerarij, et Fiscalis, de residuo dictae summae, videlicet de tribus partibus ex quatuor, debeant facere partitam in libro Camerarij. Et his peractis debeant Domini Capitanei reddere librum dictarum condemnationum eidem Notario, cum onere
exigendi infra sex menses immediate sequentes omnem portionem dictae Communitatis, cum mercede duorum bononenorum
pro qualibet libra denariorum, sub poena eidem Notario solvendi de suo dictae Communitati omne residuum infra dictum
tempus per ipsum non exactum, et non solutum habita semper consideratione gratiatorum. Et idem ordo observetur, et
observari debeat per capitaneos Castrorum Serravallis, Faitani,
et Montis giardirii, quo ad rationem per ipsos reddendam Consiliarijs Serravallis , et Faitani , et Vice Capitaneis Montis giardini, et libros consignandos, et calculum faciendum pro exactione habenda iuxta stilum , et dictorum locorum consuetudinem, etc.
De electione Massarij Communis , et eius officio.
Rubrica XXVIII.
Eligant Domini Capitanei in principio eorum officij virum idoneum, et legalem de Terra nostra Sancti Marini in Massarium Communis, cuius officium duret per sex menses,etnon ultra. Qui Massarius sic electus sciat legere, et scribere, et iure iurando promittat huiusmodi officium diligenter, et omni fraude remota administrare. Tenebitur autem his Massarius omnia pignora quae in executionem sententiarum, vel mandator rum Dominorum Capitaneorum, vel quorumcumque Iudicum capta fuerint per executores Communis, et similiter bestias quascumque,quae sibi assignarentur de executionibus praedictis, vel aliter quomodocumque , ad mandatum praedictorum Dominorum Capitaneorum apucf se fideliter custodire, et nemini restituere absque expressa eorundem Dominorum Capitaneorum commissione. Et notabit in libro suo ad hoc specialiter deputato diem, et annum assignationum sibi de praedictis factarum, et nomen executoris, qui assignavit, et ad cuius instantiam, et illius, cuius sunt dicta pignora, et bestiae, et pro qua quantitate fuerint capta; poena , si in praedictis defecerit, unius scuti pro qualibet vice, qua fuerit contrafactum, et reficiendi Dominis pignorum, et bestiarum omnia damna, quae eius culpa contigerint. Et qui sic fuerit electus in Massarium, teneatur officium acceptare, sub poena unius scuti, et nihilominus officium praedictum acceptare et facere teneatur. Habeat autem a Communi praedicto pro eius mer-
