Pagina:Leges statutae reipublicae Sancti Marini.pdf/48

18

LIB. I.

non servaverint elapso dicto termino possint cogi , et compelli ad sibi dandum, et solvendum solidos quinque denariorum pro qualibet salma lignorum , et pro rata cuilibet ipsorum tangente de paleis, ad rationem solidorum septem pro quolibet centenario palearum. Nec non omnia, et cetera alia in notula capitulorum sibi transmittenda contenta. Sed quia nil certius morte , et nil incertius ejus hora , si forte , quod Deus avertat, illum mori contigerit in hac nostra Terra non completo tempore conductionis suae , tali casu de salario sibi , ut supra , promisso, ei, vel haeredibus suis nil ultra debeatur, nisi pro rata temporis, quo operas suas effectualiter illum praestitisse Tepertum fuerit. Nolumus autem quod ipse Medicus teneatur accedere ad habitationem alicujus infirmi, nisi prius viso ejus signo , ac urina , quia si esset timor morbi epidimialis , eum obligamus ad statim denunciandum , et referendum Dominis Oapitaneis, et Superstitibus Sanitatis hujus nostrae Terrae, et pariter nolumus, quod ipse sit obligatus ad ea, quae ad Chirurgorum disciplinam pertinent. Reservantes tamen semper subditis nostris potestatem , et facultatem accedendi ad alios Medicos ad eorum libitum, sine tamen praejudicio ejusdem Medici salarij. Et quoniam parum prodesset habere Medicum in terra nostra, nisi etiam adessent Pharmacopolae, qui medelas, siruppos, unguenta, et cetera alia ad salutem hominum necessaria iuxta ejusdem Medici ordinationem conficerent, volumus , et mandamus , quod ipse Medicus sit obligatus in primo mense sui adventus, nec non singulis annis, saltem semel in principio aestatis , vel quando ei magis placuerit , videre in Apothecis Pharmacopolarum hujus nostrae Terrae omnia genera medicinarum , sirupporum , oleorum , aquarum , unguentorum , nec non cetera alia ad salutem humanam , et ad illud exercitium necessaria, quae si invenerit deficere, debeat intimare dictis Pharmacopolis , quod illa debeant providere . Si vero in ejusdem Medici conscientia , quam in hoc oneramus , ea invenerit, sed non bonitatis, et perfectionis requisitae, D. Medicus possit ea proijcere, comburere, et adnichilare referendo etiam semper Dominis Capitaneis omnia , et singula praedicta, ut ipsi Domini Capitanei possint, ac debeant, si sic eis videbitur expedire, praedictas Apothecas claudere, et ipsos Pharmacopolas secundum traditiones iuris civilis, et Pontificij rigorose punire , et castigare. Et si ipse Medicus praedicta facere neglexerit, aut recusaverit, possit, ac debeat vocari alius Medicus expertus impensis illius ad praedicta perficienda ultra alias poenas arbitrio Consilij generalis eidem Medico infligendas, etc.