rum semper prohibitis , et si generali Consilio pro meliori executione iustitiae quandoque expediens visum fuerit conducere
Baroncellum forensem , tunc , et eo casu deveniatur ad eius
electionem iuxta formam traditam in libro Extraordinariorum
sub Rubrica de electione Baroncelli, et eius officio.
De electione Superstitum viarum, et aquarum, et eorum officio.
Rubrica . XLI.
Eligantur per Consilium Generale in principio cuiuslibet Capitaneatus duo Superstites boni , et fideles de Terra Sancti Marini, qui vocentur Superstites generales viarum, et aquarum, et deinde per Dominos Capitaneos pro tempore existentes eligatur ut supra pro qualibet Capella nostra territorij unus Superstes particularis viarum, et aquarum, quorum officium duret sex futuris mensibus. Qui omnes a principio iureiurando promittent, et ita observare curabunt, quod quaecunque viae publicae ubique locorum in Terra, Territorio, et districtu Sancti Marini apte conserventur, et manuteneantur, ac a nemine occupentur, vel dirupentur, et devastentur.
Eundo singulis mensibus saltem Semel per vias, et loca Sancti Marini, et eius Territorij, videlicet Superstites generales per Terram et totum Territorium, et superstites particulares per loca Capellae eis commissae , in quibus si aliquam invenerint viam occupatam, diruptam, et non aptam, requirere debeant illum, vel illos quos id fecisse crediderint aliqua iusta, vel verisimili causa, vel praesumptione ad ita credendum inducente, vel quos ita vere id fecisse constabit, illisque praecipere, quod occupatum dimittant, et diruptum reparent, assignando eis terminum octo dierum, et plus, vel minus, prout rei qualitas, et facti evidentia postulabit, et expedire videbitur ad praedicta exequendum. Qui sic moniti, si infra praefixum terminum non obedierint in poena quinquaginta solidorum puniantur,
Quam poenam ipsi quoque Superstites omnes incurrent, si in praedictis negligentes extiterint pro qualibet vice, et pro quolibet eorum in casu negligentiae, vel contraventionis . Quemadmodum etiam in eamdem poenam incurrent, nisi per Cancellarium nostrum Communis adnotari curaverint tempus, quo singulis vicibus ad praedicta loca accesserint ad effectum praedictum, et inobedientes , quos invenerint.
Mandantes, quod dicti Superstites particulares teneantur obe
