Incipit ordo missalis secundum consuetudinem romane curie. Dominica prima de adventu. Statio ad sanctam mariam maiorem. Ad missam. Introitus.
AD te levavi animam meam deus meus in te confido non erubescam: neque irrideant me inimici mei: etenim universi qui te expectant non confundentur. ps Vias tuas domine demonstra michi et semitas tuas edoce me. Sequitur immediate: v Gloria patri. Quo finito revertitur introitus Ad te levavi animam meam Et iste modus repetendi introitum servatur per totum annum: cum dicitur. Gloria patri Post introitum etiam in feriis duplicibus. Oratio.
EXcita quesumus domine potentiam tuam et veni: ut ab imminentibus peccatorum nostrorum periculis te mereamur protegente eripi: te liberam te salutari. Qui vivis et. Ab hac die usque ad vigiliam nativitatis domini post orationem diei dicitur oratio de sancta maria .s. Deus qui de beate marie. Tertia oratio dicitur ecclesie tue ut. Deus omnium Infra hebdomadam si fuerit festum. Prima oratio de festo. Secunda de dominica. Tertia de sancta maria. Lectio. epistule beati pauli apostoli ad romanos .xiii. capi.
FRatres. Scientes quia hora est iam nos de somno surgere. Nunc autem propior est nostra salus quam cum credidimus. Nox precessit: dies autem appropinquavit. Abiiciamus ergo opera tenebrarum: et induamur arma lucis: sic in die honeste ambulemus. Non in commessationibus et ebrietatibus. Non in cubilibus et inpudicitiis Non in contentione et emulatione. Sed induimini dominum iesum christum. Gra. Universi qui te expectant non confundentur domine. v. Vias tuas domine notas fac mihi et semitas tuas edoce me. Alleluya. v. Ostende nobis domine misericordiam tuam: et salutare tuum da nobis . Sequentia sancti evangelii secundum lucam .xxi. capitulo.
IN illo tempore. Dixit iesus discipulis suis. Erunt signa in sole et luna et stellis: et in terris pressura gentium pre confusione sonitus maris et fluctuum arescentibus hominibus pre timo
