Sacerdos paratus cum ingreditur ad Altare, facta illi debita reverentia, signat se signo Crucis a fronte ad pectus, et clara voce dicit. IN nómine Patris, et Fílii, et Spíritus sancti. Amen. Deinde junctis manibus ante pectus, incipit Antiphonam. Introíbo ad altáre Dei. Ministri ℟. Ad Deum qui lætíficat juventútem meam. Postea alternatim cum ministris dicit sequentem Psalmum. Ps. 42. JUdica me Deus, et discérne causam meam de gente non sancta: ab hómine iníquo, et dolóso érue me. M. Quia tu es Deus fortitudo mea: quare me repulí-
|
sti, et quare tristis incédo, dum affligit me inimicus? S. Emítte lucem tuam, et veritátem tuam: ipsa me deduxérunt, et adduxérunt in montem sanctum tuum, et in tabernácula tua. M. Et introíbo ad altáre Dei: ad Deum qui lætíficat juventútem meam. S. Confitébor tibi in cíthara Deus, Deus meus: quare tristis es ánima mea, et quare contúrbas me? M. Spera in Deo, quóniam adhuc confitébor illi: salutáre vultus mei, et Deus meus. S. Glória Patri, et Fílio, et Spirítui sancto. M. Sicut erat in princípio, et nunc, et semper, et in sæcula sæculórum. Amen. S. repetit Antiph. Introíbo ad Altáre Dei. ℟. Ad Deum qui lætíficat juventútem meam. Signat se, dicens: ℣. Adjutórium nostrum in nómine Dómini. |
