Pagina:P. Terenti Afri Comoediae (Kauer-Lindsay 1926).djvu/183

V. ix

EVNVCHVS

quodvis donum praemium a me optato: id optatum auferes.
GN. itane? TH. sic erit. GN. si efficio hoc, postulo ut mihi tua domus
te praesente absente pateat, invocato ut sit locus
 1060semper. TH. do fidem futurum. GN. adcingar. PH. quĕm ego hic audio?
o Thraso. TH. salvete. PH. tu fortasse quae facta hic sient
nescis. TH. sciŏ. PH. quor te ergo in his ego conspicor regionibus?
TH. vobis fretu’. PH. scin quam fretu’? miles, edico tibi,
si te in platea offendero hac post umquam, quod dicas mihi
 1065“alium quaerebam, iter hac habui”: periisti. GN. heia haud sic decet.
PH. dictumst. TH. non cognosco vostrum tam superbum . . PH. sic ago.
GN. prius audite paucis: quod quom dixero, si placuerit,
facitote. CH. audiamu’. GN. tu concede paullum istuc, Thraso.
principio ego vos ambos credere hoc mihi vehementer velim,
 1070mĕ hŭiu’ quidquid facio id facere maxume causa mea;
verum sĭ idem vobis prodest, vos non facere inscitiast.
PH. quid id est? GN. militem rivalem ego recipiundum censeo. PH. hem