QUINTI SEPTIMII FLORENTIS
TERTULLIANI
OPERUM PARS PRIMA,
IN QUA CONTINENTUR
LIBRI ANTE SUSCEPTUM AB AUCTORE MONTANISMUM SCRIPTI.
Series prima.
LIBRI APOLOGETICI.
| APOLOGETICUS ADVERSUS GENTES. | DE SPECTACULIS. |
| AD NATIONES libri II. | DE IDOLOLATRIA. |
| DE TESTIMONIO ANIMAE. | LIBER AD SCAPULAM, |
| AD MARTYRES. | appendicis instar. |
APOLOGETICUS
ADVERSUS GENTES PRO CHRISTIANIS.
0257A
totius operis argumentum.
Imperante Septimio Severo, et cum Antonino filio res Romanas administrante, Tertullianus, verae religionis ardore flagrans, illius utpote sacris initiatus, moleste, pro eo ac debuit, patiebatur religionem, quae efferre sese quodammodo coeperat, opprimi, sub initium persecutionis quintae, qua saeviente, insontes passim Christiani, nulla sexus aut aetatis habita ratione, inauditis ante illam diem suppliciis cruciabantur. Pro summa qua tunc pollebat facundia, Christianorum patrocinium suscepit, quorum adeo deplorata erat conditio, ut indicta caussa, et solius nominis praejudicio damnarentur. Communi malo ac publico occurrere, et erumpentem in dies tempestatem, quantum in 0257B se erat, compescere, partes suas duxit, missaque hanc ob caussam ad antistites romanos apologia, effraenatos adversariorum impetus fregit tantisper ac debilitavit. Eo quippe vigore eaque eruditione caussam egit, ut si rationibus et veritate disceptandum fuisset, gentiles 0258A omnes redegisset ad incitas. Justini martyris et Aristidis vestigia premere poterat, verum ita eloquentiam est imitatus, ut et dicendi charactere, et argumentorum pondere ac doctrinae varietate, utrumque superasse videatur.
CAPUT PRIMUM.
Argumentum. — Cum sub Severo negatum esset Christianis in judicio se defendere, scriptum hoc praesidibus Romani imperii obtulit auctor, ostendens hoc capite iniquam istam judicandi formulam, per quam defensio negatur insontibus, et veritas absconditur; cum interim tot tantique, qui quotidie ad hanc sectam transeant, illam aliqua consideratione dignam faciant, qui sane omnes, remoti ab aliqua perversitatis culpae, ostendant 0258B sese longe alium affectum induisse, quam istum qui in maleficis semper deprehenditur.
Si non licet vobis, Romani imperii antistites[1],
- ↑ Imperii antistites. Antistites vero ap-
