288 LETTRE APOSTOLIOUE DE PIE IX.
monium dirimentia a principibus terrae dimanare tuetur, eamque Christi
Ecclesiam sibi arrogasse impie affirmat : Ecclesiee et personarum immunitatem, Dei ordinatione et canonicissanctionibus constitutam, a jure civili ortum
habuisse asserit, nec illum pudet defendere, majori aestimatione et obsequio
prosequendam esse domum Oratoris alicujus Natiouis quam templum Dei
viventis : Gubernio laico attribuit jus deponendi ab exercitio pastoralis Ministerii Episcopos, quos Spiritus Sanctus posuit regere Ecclesiam Dei : suadere
nititur iis, qui clavum tenent publicarum rerum, ne obediant Romano Pontifici in iis, quae Episcopatuum, et Episcoporum respiciunt institutionem : Reges
aliosque principes, qui per Baptismum facli sunt membra Ecclesiae, subtrahit
ab ejusdem Ecclesiae jurisdictione non secus ac Reges paganos, quasi Principes Christiani in rebus spiritualibus et ecclesiasticis non essent filii ac subditi
Ecclesiae : imo ccelestia terrenis, sacra profanis, summa imis monstruose permiscens, docere non veretur, terrenam potestatem in quaestionibus jurisdictionis dirimendis superiorem esse Ecclesia, quae columna est et firmamentum
veritatis : tandem ut alios quamplures omittainus errores, eo audaciae, et impietatis progreditur, ut Romanos Pontifices et Concilia cecumenica a limitibus
suae potestatis recessisse, jura Principum usurpasse, atque etiam in rebus fidei,
et morum definiendis errasse infando ausu contendat.
Quamquam vero tot ac tanta in eodem Opere contineri errorum capita cuique facile innotescat; attamen Praedecessorum Nostrorum vestigiis inhaerentes
mandavimus, ut in nostra Universalis Inquisitionis Congregatione praefatum
Opus in examen adduceretur, ac postea ejusdem Congregationis judicium
Nobis referretur. Porro Ven. Fratres Nostri S. R. E. Cardinales Inquisitores
Generales. praevia ejusdem Operis censura, et perpensis Consultorum suffragiis,
memoratum Opus tanquam continens doctrinas, et propositiones respective
« scandalosas, temerarias, falsas, schismaticas, Romanis Pontificibus et Con-
« ciliis OEcumenicis injuriosas, Ecclesiae potestatis, libertatis, et jurisdictionis
« eversivas, erroneas, impias, et haereticas, » damnandum, atque prohibendum censuerunt.
Hinc Nos, audila praedictorum relatione, et cunetis plene ac mature consideratis, de consilio pra^fatorum Cardinalium, atque etiam motu proprio, ex
certa scientia, deque Apostolicae potestatis plenitudine memoratum Opus, in
quo doctrinae, ac propositiones, ut supra notatae, continentur, ubicumque, et
quocumque alio idiomate, seu quavis editione, aut versione huc usque impressum, vel in posterum, quod absit, imprimendum, tenore praesentium damnamus, et reprobamus, atque legi, ac retineri prohibemus, ejusdemque Operis
impressionem, descriptionem, lectionem, retentionem, et usum omnibus et
singulis Christi fidelibus, etiam specifica et individua mentione, et expressione
dignis, sub poena excommunicationis per contrafacientes ipso facto, absque
alia declaratione, incurrenda, a qua nemo a quoquam, pra^terquam a Nobis,
seu Romano Pontifice pro tempore existente, nisi in mortis articulo constitutus, absolutionis beneficium obtinere queat, omnino interdicimus.
Volentes, et Auctoritate Apostolica mandantes, ut quicumque Librum, seu
Opus praedictum penes se habuerint, illud statim atque praesentes Litterae
innotuerint, locorum Ordinariis, vel haereticoe pravitatis Inquisitoribus tradere,