DIE XX NOVEMBRIS MPCCCXLVI.
S. S. DOMINI NOSTRI PII IX
LITTERAE APOSTOLICAE
QUIBUS INDICITUR JUBILEUM UNIVERSALE AD IMPLORANDUM DIVINUM
- AUXILIUM.
Universis Christifidclibus prsesentes Litteras inspecturis Salutem et Apostolicam Benedictionem.
Arcano divinae Providentiae consilio ad Apostolicae Sedis fastigium nil tale merentes evecti, probe novimus in quantas inciderimus rerum ac lemporum difficultates, ut divino subsidio maximopere indigeamus ad arcendas a dominico grege ubique latentes insidias, ad Catholicae Ecclesise res pro Nostri muneris officio relevandas, componendas. Qua propter assiduis huc usque precibus non destitimus obsecrare Misericordiarum Patrem, ut infirmas Nostras vires sua virtute roborare, et lumine sapientiae suae mentem Nostram illuslrare velit, quo commis- sum Nobis apostolicum Ministerium rei Christianae universae bene ac feliciter eveniat, et compositis tandem fluctibus Ecclesiae navis a diuturna tempestatis jactatione conquiescat. Quoniam vero, qnod commune bonum est, id communibus etiam votis postulandum, omnium Christifidelium excitare pietatem decrevimus, ut conjunctis Nobiscum precibus Omnipotentis dexterae auxilium impensius imploremus. Atqui exploratum illud est, gratiores Deo futuras hominum preces, si mundo corde, hoc est animis ab omni scelere integris ad ipsum accedant, idcirco secuti etiam exemplum Praedecessorum Psostrorum, qui iu Pontificatus primordiis idipsum praestiterunt, ccelestes Indulgentiarum thesauros dispensationi INostrae commissos Apostolica liberalitate Christifidelibus reserare constituimus , ut inde ad veram pietatem vehementius incensi, et per Pcenitentiae Sacramentum a peccatorum maculis expiati ad Thronum Dei fidentius accedant, ejusque misericordiam consequantur, et gratiam inveniant in auxilio opportuno.
Hoc Nos consilio Indulgentiam ad instar Jubilaei Orbi Catholico denunciamus. Quamobrem de Omnipotentis Dei misericordia, ac beatorum Petri, et Pauli Apostolorum ejus auctoritate confisi, ex illa ligandi ac solvendi potestate, quam Nobis Dominus licet indignis contulit universis ac singulis utriusque sexus Christifidelibus, in alma Urbe Nostra degentibus, vel ad eam advenientibus, qui Sancti Joannis in Laterano, Principis Apostolorum, et Sanctae Mariae Majoris Basilicas, vel earum aliquam a secunda Dominica Adventus nimirum a die sexta Decembris inclusive, usque ad diem vicesimam septimam ejusdem mensis pariter inclusive, quae est dies fesla Sancti Joannis Apostoli bis visitaverint intra tres illas hebdomadas, ibique per aliquod tem-
