DECLARATION DES EVEQUES ASSEMBLES A ROME EN 1862 POUR LA CANONISATION DES MARTYRS DU JAPON. CONCORDAT DE 1801. BULLE DE CONFIRMATION DU CONCORDAT. ARTICLES ORGANIQUES. RECLAMATION DU CARDINAL CAPRARA AU SUJET DE LA PUBLICATION DES ARTICLES ORGANIQUES. PROPOSITIONS DEFEREES AU SIEGE APOSTOLIQUE AVEC LES CENSURES PROPOSEES PAR PLUSIEURS MEMBRES EMINENTS DE l'EPISCOPAT ET DE SAVANTS THEOLOGIENS.
Beatissime Pater,
Ex quo Apostoli Jesu Christi sacro Pentecostes die Petro Ecclesiae Capiti in oratione adhaerentes, Spiritum Sanctum acceperunt, et divino ejus impulsu acti, cunctarum fere nalionum viris in Urhe sancta congregatis, unicuique sua lingua potentiam Dei mirabilem annunciarunt, nunquam, ut credimus, ad hanc usque diem tot eorumdem haeredes, iisdem recurrentibus solemniis, venerandum Petri Successorem, orantem circumsteterunt, decernentem audierunt, regentem roborarunt. Quemadmodum vero Apostolis media inter nascentis Ecelesiae pericula nil jucundius accidere potuit, quam divino Spiritu recens afflato assistere primo Christi in terris Vicario ; ita nec nobis praesentes inter Ecclesiae Sanetae angustias, antiquius sanctiusve aliud esse potuit, quam quidquid inest venerationis pietatisque erga Sanctitatam Tuam pectoribus nostris, ad pedes Beatitudinis Tuae deponere, simul et unanimiter declarare, quanta prosequamur admiratione praeclaras, quibus Supremus Pontifex Noster eminet virtutes, quantoque pnimo iis quae Petrus alter docuit, vel quae tam firmiter stata rataque esse voluit, adhaereamus.
