THESES AD APOSTOLICAM SEDEM DELATAE.
CUM CENSURIS
A nonnullis theologis propositis[1]
1. Progressus civilis requirit, ut humana societas constituatur super fundamentis mere humanis, nullo habito respectu ad religionem, perinde ac si ea non existeret.
- Impia, injuriosa religioni, in atheisnium inducens, subversivae ordinis moralis et verbo Dei contraria.
2. Lex moralis, actionum humanarum moderatrix, est a religione radicitus separabilis, nec ulla indigetsanctione divina.
- Complexive sumpta falsa, impia, haeresim sapiens et erronea.
3. Intelligentia humana intra sensationum fines sistit, doctrina moralis in utilitatum supputatione, politices in sola materialium virium conjunctione.
- Complexive sumpta falsa : quoad primam partem , materialismum invebens et haeresi proxima :
quoad secundam partem, totius moralitatis eversiva : quoad tertiam partem, ordinis moralis et socialis destructiva.
4. Ea est intelligentiae humanae spontanea vis, ut omnis divina revelatio sit ordini sociali inutilis.
- Haeretica.
5. Dogma de peccato originali ac dogma de instauratione totius humani generis per Christum nihil confert ad praesentem societatis conditionem ejusque leges agnoscendas.
- Falsa, erronea et haeresi proxima.
6. Immutabilitas dogmatum christianorum obstat progressui societatis.
- Falsa, christianae religioni injuriosa, sapiens haeresim.
7. Christianismus, prout ab Ecclesia catholica traditur, neque exercuit neque natura sua exercere potest influxum salutarem in jus civile, in jus politicum neque in jus gentium.
- Falsa, erronea, Ecclesiae injuriosa, et quatenus supponit christianismum melius tradi posse, quam in
Ecclesia catholica, haeretica. 8. Doctrina Evangelica de mutuo fratrum auxilio non respicit nisi personas privatas : neque unquam applicari potest relationibus politicis in favorem legitimorum guberniorum, quae injuste hostes sive interni sive externi aggressi sunt.
- Perniciosa societati, seditiosa, juris publici et gentium destructiva, haeretica.