568 THESES AD APOSTOLICAM SEDEM DELATE.
32. Orbis catholicus nullum habet jus ad tuendam conservationem et integritatem dominii temporalis Papae.
- Falsa, temeraria, erronea.
33. Catholicorum conscientia considerare non debet concursum, quem ipsi praebere possunt utilitati dominii lemporalis Sanctae Sedis, nisi ut negotium, quod nullum prae se fert characterem spiritualem seu religiosum.
- Falsa, temeraria, pietati fidelium detraliens, ad minus erronea.
34. In qualibet politica societate necessaria non estexistentia potestatis jure divino.
- Politicae potestatis destructiva, haeretica.
35. Praeceptum Pauli Apostoli, quod continetur his verbis. a Omnis anima subdita sit potestatibus sublimioribus, » temporariam dumtaxat inducit obligationem, neque omnibus epochis, omnibusque generibus societatis applicari potest.
- Haeretica.
36. Voluntas populi seu populare suffragium ejusmodi est per se auctoritatis, ut nulla indigeat ratione ad suorum actorum validitatem.
- Quatenus constituat voluntatem populi seu suffragium populare supremam legem independentem a jure naturali et divino, haeretica.
37. Principia, quorum vi quilibet Supremus Princeps non est nisi primus populi deputatus, identica sunt cum sanae Theologiae principiis.
- Falsa, injuriosa Theologiae, et seditiosa.
38. Principia insurrectionis, quae proclamata sunt in favorem recentium eventuum in Italia, concordant cum sanae Theologiae doctrina circa tyrannidem.
- Falsa, Theologiae injuriosa.
39. Institutio principatus haereditarii opponitur principiis juris naturalis ac spiritui Evangelii.
- Falsa, erronea et haeresi proxima.
40. Traditio Ecclesiae catholicae doctrinam continet tyrannidi seu despotismo faventem.
- Falsa et haeretica.
41. In qualibet christiana politica societale nullum reperitur jus, quod suum prin- cipium seu fontem non habeat in jure illimitato Status.
- Falsa et hseretica.
42. Societas domestica seu familia a lege tantum civili suae existentiae legitimitatem derivat.
- Falsa, contraria juri naturali et divino ; quatenus vero intelligatur de societate seu familia christiana, haeretica.
43. Ad societatis christianae bonum est universim admittendum, conditiones essen- tiales conjugalis vinculi immutari debere ad guberniorum et opinionum nationalium nutum.
- Haeretica.
44. Progressus socialis inducere debet abolitionem indissolubilitatis vinculi conjugalis.
- Haeretica.
